Leik á Ítalíu af­lýst vegna ó­eirða

Salernitana og Sampdoria áttust við í umspilsleik til að halda sér í Serie-B deildinni. Um tveggja leikja einvígi er að ræða en Sampdoria hafði unnið fyrri leikinn 2-0.

Sampdoria spilaði einnig af krafti í seinni leiknum, komust tveimur mörkum yfir og leiddu þar af leiðandi viðureignina samtals 4-0 en þá varð allt vitlaust hjá stuðningsmönnum Salernitana, þar sem það virtist ekkert geta breytt því að liðið myndi falla um deild.

Fjórum mínútum eftir að Sampdoria skoraði sitt annað mark í leiknum var kveikt á blysum, flugeldum og stólum hent inn á völlinn. Leikurinn var stöðvaður nokkrum sinnum til að ná ró á mannskapinn

Það gekk þó ekki eftir og var leikmönnum því vísað inn í búningsklefa eftir sextíu og fimm mínútna leik. Lögreglan var þá kölluð á vettvang til að ná stjórn á stuðningsmönnunum.

Dómari leiksins reyndi að byrja leikinn aftur tíu mínútum síðar, en stuðningsmenn héldu áfram að kasta hlutum inn á völlinn og þá var leiknum aflýst.

Sampdoria verður líkast til dæmdur 3-0 sigur og munu þar af leiðandi vinna því einvígið 5-0.  Líflína fyrir Sampdoria sem endaði tímabilið í fallsæti en eftir að tímabilinu lauk fékk Brescia á sig átta stiga refsingu sem lyfti Sampdoria yfir þá í töflunni.