Veður

Á­fram norð­aust­lægar áttir á landinu

Atli Ísleifsson skrifar
Hiti verður frá þremur stigum norðantil upp í fjórtán stig syðst á landinu.
Hiti verður frá þremur stigum norðantil upp í fjórtán stig syðst á landinu. Vísir/Vilhelm

Veðurstofan gerir ráð fyrir áframhaldandi norðaustlægum áttum á landinu í dag, yfirleitt á bilinu átta til þrettán metrum á sekúndu en víða að átján metrum á sekúndu á Vestfjörðum og í Breiðafirði.

Á vef Veðurstofunnar segir að það verði rigning með köflum en að mestu léttskýjað á Vesturlandi.

Hiti verður frá þremur stigum norðantil upp í fjórtán stig syðst á landinu.

„Á morgun verður norðaustan 10-20 m/s og rigning, hvassast á Vestfjörðum,“ segir í hugleiðingum veðurfræðings.

Spákort fyrir klukkan 14.Veðurstofan

Veðurhorfur á landinu næstu daga

Á þriðjudag: Norðaustan 8-18 m/s, hvassast á Vestfjörðum. Rigning, einkum norðan- og austantil og hiti 3 til 11 stig, mildast á Suðurlandi.

Á miðvikudag: Norðaustlæg eða breytileg átt, 5-13 m/s, hvassast norðvestantil. Rigning með köflum, en að mestu þurrt austanlands. Hiti 2 til 10 stig.

Á fimmtudag: Norðaustlæg átt og lítilsháttar væta öðru hvoru, en þurrt að kalla norðaustantil. Hiti 1 til 11 stig, mildast fyrir sunnan.

Á föstudag: Norðaustlæg eða breytileg átt og dálítil væta af og til, en bjartviðri suðvestantil. Svalt í veðri.

Á laugardag: Austan og suðaustan átt og rigning með köflum, en úrkomuminna norðanlands. Hiti breytist lítið.

Á sunnudag: Útlit fyrir austan og norðaustan átt og rigningu.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið