Fjarlægður úr stúkunni vegna Hitlers-ummæla

Áhorfandinn var færður úr stúkunni á Arthur Ashe vellinum í New York eftir að Zverev kvartaði undan honum í viðureign hans gegn Jannik Sinner.

„Hann notaði þekktasta Hitlers-frasann í heiminum. Þetta er óásættanlegt. Þetta er ótrúlegt,“ sagði Zverev við dómara leiksins, James Keothavong.

Hann bað áhorfandann um að gefa sig fram. Hann gerði það ekki en skömmu síðar bentu aðrir áhorfendur á hann og öryggisverðir leiddu hann í kjölfarið út af vellinum.

Zverev vann leikinn, 6-4 3-6 6-2 4-6 6-3. Hann mætir meistaranum Carlos Alcaraz í átta manna úrslitum.