Veður

Líkur á síð­degis­skúrum sunnan­lands

Atli Ísleifsson skrifar
Hiti á landinu verður á bilinu tíu til fimmtán stig.
Hiti á landinu verður á bilinu tíu til fimmtán stig. Vísir/Vilhelm

Veðurstofan gerir ráð fyrir að það verði fremur hæg breytileg átt eða hafgola í dag. Bjart verður að mestu en skýjað austantil framan af degi. Um sunnanvert landið eru hins vegar líkur á stöku síðdegisskúrum.

Á vef Veðurstofunnar segir að hiti verði á bilinu tíu til fimmtán stig.

„Á morgun verður suðaustan 8-13 sunnan- og suðvestanlands en annars hægari. Sums staðar dálítil rigning eða súld en þurrt og bjart að mestu norðaustantil. Hiti 12 til 17 stig.

Spákort fyrir klukkan 14 í dag.Veðurstofan

Á fimmtudag verður sunnan og suðaustan 5-10. Bjart með köflum og lengst af þurrt. Hiti breytist lítið.

Á föstudag breytist veðrið verulega. Vaxandi suðaustanátt og fer að rigna eftir hádegi. Suðaustan hvassviðri jafnvel stormur um kvöldið með talsverðri rigningu sunnan- og vestantil aðfaranótt laugardags. Það gæti verið gott að ganga frá lausamunum í garðinum og hreinsa niðurföllum til að forðast vatnstjón. Hiti 12 til 17 stig.

Það snýst í suðvestan hvassviðri á laugardag og dregur úr úrkomu síðdegis. Hiti 10 til 19 stig, hlýjast fyrir norðan.

Á sunnudag verður suðlæg átt og víða skúrir en úrkomulítið norðaustanlands. Hiti 8 til 13 stig. Á mánudag er útlit fyrir fremur hæga vestlæga átt og bjart með köflum. Hiti breytist lítið,“ segir á vef Veðurstofunnar.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið