Veður

Skýjað í dag og súld norð­austan­lands

Magnús Jochum Pálsson skrifar
FErðamenn taka af sér sjálfu á Skólavörðustíg.
FErðamenn taka af sér sjálfu á Skólavörðustíg. Vísir/Vilhelm

Það verður austan- og suðaustanátt með suðurströndinni í kvöld en norðaustlægari átt á norðvestanverðu landinu. Skýjað að mestu, súld úti við norður- og austurströndina og skúrir inn til landsins. Rigning með köflum sunnanlands í nótt og á morgun.

Þetta segir í spá Veðurstofunnar um veðurhorfur á landinu í dag. Þá segir að hiti verði á bilinu tíu til sautján stig en það verði fimm til tíu stig austanlands.

Í hugleiðingum veðurfræðings segir að það verði ákveðnar austan- og norðaustanáttir fimmtudag og föstudag en það muni lægja um helgina. Það verði bjart með köflum og fremur hlýtt vestantil, en skýjað og svalara eystra. Líklega skúrir sunnanlands á sunnudag.

Veðurvakt spáir því að vegna hægviðris verði gasmengun því mest nærri upptökunum, en vaxandi suðaustanátt annað kvöld muni blása gasmengun yfir vestanvert Reykjanes.

Veðurhorfur á landinu næstu daga

Á fimmtudag: Austan- og norðaustan 5-15 m/s og skýjað með köflum, hvassast syðst, en lítilsháttar væta á Norður- og Austurlandi. Hiti tíu til nítján stig, hlýjast sunnan- og vestanlands.

Á föstudag: Norðaustlæg átt, 3-10 m/s og skýjað með köflum og úrkomulítið. Kólnar dálítið í veðri.

Á laugardag, sunnudag og mánudag: Hæg, breytileg átt, skýjað með köflum og stöku skúrir. Hiti víða tíu til sautján stig.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið