Tíma­bundið starfs­leyfi Hvals hf. fram­lengt til 12. júlí

Hvalur hf. sótti um nýtt starfsleyfi 3. júní 2022 og fékk samþykkt tímabundna framlengingu hjá heilbrigðisnefnd Vesturlands til 1. maí 2023, á meðan leyfið væri í vinnslu.

Tillaga að nýju starfsleyfi Hvals hf. var auglýst 12. maí 2023 og frestur til athugasemda rann út á miðnætti 8. júní. Unnið er að því að vinna úr athugasemdunum.

Vísir greindi frá því fyrr í vikunni að umhverfisráðuneytið áformaði að vísa frá beiðni Hvals hf. um undaþágu frá starfsleyfi þar sem Heilbrigðisnefnd Vesturlands væri með málið til umfjöllunnar.

Ljóst þótt að ef leyfi fengist ekki myndu vertíðinni seinka en hún hefst venjulega um miðjan júní.

Kristján Loftsson, forstjóri Hvals hf., leitaði til heilbrigðisnefndarinnar um endurupptöku málsins er varðaði hið tímabundna starfsleyfi og var málið tekið fyrir á fundum á mánudag og miðvikudag í þessari viku.

Í fundargerð er vísað til þess að lögum samkvæmt sé heimilit að framlengja gildistíma starfsleyfis á meðan nýtt er í vinnslu í all að eitt ár. Á sínum tíma hefði þó verið gert ráð fyrir að það nægði að framlengja til 1. maí, eða í níu mánuði.

Samkvæmt upplýsingum sem nefndin hefði fengið hefði hins vegar verið kallað eftir og unnið að ýmsum úrbótum. Stefnt væri að því að ljúka þeim 19. júní.

„Með vísan til meðalhófsreglu stjórnsýslulaga telur nefndin skilyrði vera fyrir hendi til þess að framlengja starfsleyfi Hvals hf. tímabundið fram til þess tíma er nýtt starfsleyfi hefur verið gefið út en þó aldrei lengur en til 12. júlí 2023 er lögbundnu hámarki framlengingar er náð,“ var niðurstaða nefndarinnar.