Élja­gangur en létt­skýjað norð­austan­lands

Á vef Veðurstofunnar segir að þegar líður á daginn komi smálægð upp að Suðausturlandi með breytilegri vindátt og snjókomu. Hiti á landinu verður um eða undir frostmarki.

Úrkomusvæðið fer síðan norður yfir Austurland í kvöld og nótt, en á morgun verður vestlæg átt, átta til þrettán metrar á sekúndu með éljum, en austast verða tíu til fimmtán metrar á sekúndu og þar léttir að mestu til.

Veðurstofan varar ennfremur við að á meðan hiti er yfir frostmarki geti þó áfram verið hætta á krapaflóðum, skriðuföllum og staðbundnum flóðum í ám.

Veðurhorfur á landinu næstu daga

Á fimmtudag og föstudag: Vestlæg eða breytileg átt, 5-10 m/s og víða él, einkum norðanlands. Frost 0 til 12 stig kaldast inn til landsins.

Á laugardag: Vaxandi sunnanátt með snjókomu eða slyddu, en bjartviðri norðaustantil. Hiti 0 til 5 stig, en vægt frost á Norður- og Austurlandi.

Á sunnudag: Sunnan hvassviðri eða stormur með rigningu. Hiti 5 til 11 stig. Snýst í suðvestanátt með éljum og kólnar um kvöldið. Lengst af þurrt norðaustanlands.

Á mánudag: Vestlæg átt með éljum, en snýst í sunnanátt með rigningu.

Á þriðjudag: Útlit fyrir vestan og norðvestanátt með éljum og köldu veðri.