Veður

„Vúmp“ í snjónum og aukin snjó­flóða­hætta

Ellen Geirsdóttir Håkansson skrifar
Vúmp hljóð var í snjónun í Landmannakaugum. Mynd tengist frétt ekki beint.
Vúmp hljóð var í snjónun í Landmannakaugum. Mynd tengist frétt ekki beint. Vísir/Vilhelm

Búist er við því að snjóflóð geti fallið á þekktum stöðum næstu tvo daga en talsverð snjókoma er í kortunum ásamt hvassri norðlægri átt á Norðurlandi og Vestfjörðum.

Þá fer veður versnandi á fyrrnefndum svæðum í fyrramálið. Á Norðurlandi hefur veikt snjólag verið viðvarandi og hefur fólk í fjalllendi sett af stað flóð en mörg snjóflóð hafi fallið þar um jól og áramót.

Þetta kemur fram á vef Veðurstofunnar. Hér að neðan má sjá yfirlitsmynd yfir snjóflóðahættu næstu daga eftir landshlutum. Nánari upplýsingar má nálgast með því að smella hér. 

Yfirlit yfir snjóflóðahættu næstu daga. Veðurstofan

Varhugaverðar aðstæður eru sagðar til víða til fjalla en til dæmis séu óstöðug snjóalög á Fjallabakssvæðinu. Á vef Veðurstofunnar kemur fram að snjóathugunarmaður hafi verið í Landmannalaugum í gær og í dag. Athuganir hans hafi leitt í ljós að varasamar aðstæður séu á svæðinu og „vúmp“ hljóð hafi heyrst í snjónum. Þar að auki hafi flekar brotnað undan honum.

„Snjóathugunarmaðurinn forðaðist brattar brekkur og því fóru snjóflóð ekki af stað, en vúmp-hljóð og samfall í snjóflekum bendir jafnan til mikillar snjóflóðahættu,“ segir um ofanflóð á vef Veðurstofunnar.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið