Segja fullyrðingar SA skáldskap Árni Sæberg skrifar 7. janúar 2023 14:00 Sólveig Anna Jónsdóttir er formaður Eflingar. Vísir/Vilhelm Efling hafnar því með öllu að semja um sömu launatöflu og aðildarfélög Starfsgreinasambandsins hafa samið um við Samtök atvinnulífsins. Félagið krefst þess að sérstaða Eflingarfólks vegna annarrar samsetningar starfa og annars starfsaldursmynsturs, sem og vegna hærri framfærslukostnaðar á höfuðborgarsvæðinu, verði að fullu virt. Þetta segir í yfirlýsingu Eflingar vegna tilboðs sem Samtök atvinnulífsins gáfu félaginu á samningafundi þann 4. janúar síðastliðinn. Á miðvikudaginn lögðu SA til að gerður verði efnislega samhljóða kjarasamningur milli SA og Eflingar-stéttarfélags og þegar hefur verið samþykktur af átján af nítján aðildarfélögum SGS. Þá buðu SA afturvirka samninga til 1. nóvember síðasta árs ef semjist fyrir 11. janúar. Ef marka má yfirlýsingu Eflingar verður að teljast harla ólíklegt að samningar takist fyrir það tímamark. Verulega ámælisverður málflutningur Í yfirlýsingunni segir að í greinargerð SA með tilboðinu sé settur fram verulega ámælisverður málflutningur sem nauðsynlegt sé að gera athugasemdir við. Dregin sé upp villandi mynd af launa- og kaupmáttarþróun á grundvelli SGS-samningsins. Horft sé fram hjá því að launatafla SGS félaga skili meirihluta Eflingarfólks mun minni kjarabótum en landsbyggðarfélögum. Horft sé fram hjá því að kostnaðarmat SGS-samningsins sé verulega ótraust sem mælikvarði á launakostnað Eflingarfólks. Þá sé verulegur munur á framfærslukostnaði á höfuðborgarsvæði og landsbyggð sagður ómálefnalegur í greinargerðinni. Samtök atvinnulífsins hafa gefið út að allir kjarasamningar sem þau munu gera í yfirstandandi kjaraviðræðum muni þurfa að byggja á sama kostnaðarmati og samningurinn við Starfsgreinasambandið. Í yfirlýsingu Eflingar segir að það kostnaðarmat sé augljóslega á mjög veikum forsendum byggt, einkum hvað snertir ólíka dreifingu félagsmanna SGS og Eflingar á starfsaldursþrep. „Sá samningur yrði mun ódýrari hjá fyrirtækjum þar sem Eflingarfólk starfar en hjá fyrirtækjum þar sem meirihluti SGS-félaga starfar. Það er því ekki hægt að byggja á því kostnaðarmati að óbreyttu,“ segir í yfirlýsingu. Fullyrðingar skáldskapur og í ætt við leirburð Í yfirlýsingunni segir að í greinargerð SA séu taldar allar launahækkanir úr Lífskjarasamningi frá árinu 2020 og þær lagðar saman við hækkun í SGS-samningnum. Þetta búi til stórlega ýkta mynd af launahækkunum sem raktar eru til samnings SGS frá nóvember síðastliðnum. „Lífskjarasamningurinn var gerður þegar verðbólga var einungis um þriðjungur af því sem nú er. Fráleitt er því að hinn nýi samningur geti náð sömu kaupmáttaraukningu fyrir alla og náðist með Lífskjarasamningnum. Fulltrúar Samtaka atvinnulífsins leyfa sér hins vegar að fullyrða að kaupmáttaraukning á árinu 2023 verði svipuð eða meiri en af Lífskjarasamningnum. Sú fullyrðing byggir á þeirri forsendu að verðbólga verði um 5% í janúar 2024 og er vænt kaupmáttarþróun taxta á árinu 2023 byggð á þeirri tölu. Spár gera ráð fyrir meiri meðal verðbólgu á árinu 2023. Þetta er því ekki einungis skáldskapur hjá SA-mönnum heldur meira í ætt við leirburð,“ segir í yfirlýsingu. Þá segir að meginmarkmið lífskjarasamningsins hafi verið að auka kaupmátt meðallauna og að aukning kaupmáttar lægri launa yrði mest. Það hafi verið tryggt með flatri krónutöluhækkun upp launastigann. Samkvæmt málflutningi SA sé markmið hinna nýju samninga að halda kaupmætti en ekki að auka hann á næsta ári, þrátt fyrir óvenju mikinn hagvöxt og afar góða afkomu þorra fyrirtækja. Nú komi mesta krónutöluhækkunin til hærri launahópa en þeir lægst launuðu fái helmingi færri krónur í launaumslagið í nýju samningunum. Því sé vægast sagt villandi að segja hina nýju samninga framhald af lífskjarasamningnum. Yfirlýsingu Eflingar má lesa í heild sinni í tengdum skjölum hér að neðan. Tengd skjöl Yfirlýsing_EflingarPDF345KBSækja skjal Kjaramál Kjaraviðræður 2022-23 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Leyfislausar tjaldbúðir og sundsprettur eftir lokun Innlent Ákvörðun áfrýjunardómstólsins áfall og stórt skref aftur á bak Erlent Útlagar spreyjaðir gylltir Innlent Ögurstund og opnunarhóf hjá frambjóðendum Innlent „Breiðholt mesta fátæktargildra landsins“ Innlent Framboðslistar opinberaðir eftir helgi Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Fleiri fréttir Leyfislausar tjaldbúðir og sundsprettur eftir lokun Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Sjá meira
Þetta segir í yfirlýsingu Eflingar vegna tilboðs sem Samtök atvinnulífsins gáfu félaginu á samningafundi þann 4. janúar síðastliðinn. Á miðvikudaginn lögðu SA til að gerður verði efnislega samhljóða kjarasamningur milli SA og Eflingar-stéttarfélags og þegar hefur verið samþykktur af átján af nítján aðildarfélögum SGS. Þá buðu SA afturvirka samninga til 1. nóvember síðasta árs ef semjist fyrir 11. janúar. Ef marka má yfirlýsingu Eflingar verður að teljast harla ólíklegt að samningar takist fyrir það tímamark. Verulega ámælisverður málflutningur Í yfirlýsingunni segir að í greinargerð SA með tilboðinu sé settur fram verulega ámælisverður málflutningur sem nauðsynlegt sé að gera athugasemdir við. Dregin sé upp villandi mynd af launa- og kaupmáttarþróun á grundvelli SGS-samningsins. Horft sé fram hjá því að launatafla SGS félaga skili meirihluta Eflingarfólks mun minni kjarabótum en landsbyggðarfélögum. Horft sé fram hjá því að kostnaðarmat SGS-samningsins sé verulega ótraust sem mælikvarði á launakostnað Eflingarfólks. Þá sé verulegur munur á framfærslukostnaði á höfuðborgarsvæði og landsbyggð sagður ómálefnalegur í greinargerðinni. Samtök atvinnulífsins hafa gefið út að allir kjarasamningar sem þau munu gera í yfirstandandi kjaraviðræðum muni þurfa að byggja á sama kostnaðarmati og samningurinn við Starfsgreinasambandið. Í yfirlýsingu Eflingar segir að það kostnaðarmat sé augljóslega á mjög veikum forsendum byggt, einkum hvað snertir ólíka dreifingu félagsmanna SGS og Eflingar á starfsaldursþrep. „Sá samningur yrði mun ódýrari hjá fyrirtækjum þar sem Eflingarfólk starfar en hjá fyrirtækjum þar sem meirihluti SGS-félaga starfar. Það er því ekki hægt að byggja á því kostnaðarmati að óbreyttu,“ segir í yfirlýsingu. Fullyrðingar skáldskapur og í ætt við leirburð Í yfirlýsingunni segir að í greinargerð SA séu taldar allar launahækkanir úr Lífskjarasamningi frá árinu 2020 og þær lagðar saman við hækkun í SGS-samningnum. Þetta búi til stórlega ýkta mynd af launahækkunum sem raktar eru til samnings SGS frá nóvember síðastliðnum. „Lífskjarasamningurinn var gerður þegar verðbólga var einungis um þriðjungur af því sem nú er. Fráleitt er því að hinn nýi samningur geti náð sömu kaupmáttaraukningu fyrir alla og náðist með Lífskjarasamningnum. Fulltrúar Samtaka atvinnulífsins leyfa sér hins vegar að fullyrða að kaupmáttaraukning á árinu 2023 verði svipuð eða meiri en af Lífskjarasamningnum. Sú fullyrðing byggir á þeirri forsendu að verðbólga verði um 5% í janúar 2024 og er vænt kaupmáttarþróun taxta á árinu 2023 byggð á þeirri tölu. Spár gera ráð fyrir meiri meðal verðbólgu á árinu 2023. Þetta er því ekki einungis skáldskapur hjá SA-mönnum heldur meira í ætt við leirburð,“ segir í yfirlýsingu. Þá segir að meginmarkmið lífskjarasamningsins hafi verið að auka kaupmátt meðallauna og að aukning kaupmáttar lægri launa yrði mest. Það hafi verið tryggt með flatri krónutöluhækkun upp launastigann. Samkvæmt málflutningi SA sé markmið hinna nýju samninga að halda kaupmætti en ekki að auka hann á næsta ári, þrátt fyrir óvenju mikinn hagvöxt og afar góða afkomu þorra fyrirtækja. Nú komi mesta krónutöluhækkunin til hærri launahópa en þeir lægst launuðu fái helmingi færri krónur í launaumslagið í nýju samningunum. Því sé vægast sagt villandi að segja hina nýju samninga framhald af lífskjarasamningnum. Yfirlýsingu Eflingar má lesa í heild sinni í tengdum skjölum hér að neðan. Tengd skjöl Yfirlýsing_EflingarPDF345KBSækja skjal
Kjaramál Kjaraviðræður 2022-23 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Leyfislausar tjaldbúðir og sundsprettur eftir lokun Innlent Ákvörðun áfrýjunardómstólsins áfall og stórt skref aftur á bak Erlent Útlagar spreyjaðir gylltir Innlent Ögurstund og opnunarhóf hjá frambjóðendum Innlent „Breiðholt mesta fátæktargildra landsins“ Innlent Framboðslistar opinberaðir eftir helgi Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Fleiri fréttir Leyfislausar tjaldbúðir og sundsprettur eftir lokun Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Sjá meira