Veður

Milt veður og dá­lítil væta á víð og dreif

Atli Ísleifsson skrifar
Hiti á landinu verður á bilinu tvö til tíu stig og verður hlýjast syðst.
Hiti á landinu verður á bilinu tvö til tíu stig og verður hlýjast syðst. Vísir/Vilhelm

Veðurstofan gerir ráð fyrir austlægri átt í dag og mildu veðri með dálítilli vætu á víð og dreif framan af degi. Síðan léttir til á vestanverðu landinu.

Á vef Veðurstofunnar segir að hiti á landinu verði á bilinu tvö til tíu stig og hlýjast syðst.

„Hæg norðlæg eða breytileg átt og skýjað með köflum á morgun, en smá skúrir eða slydduél úti við norður- og austurströndina og kólnar nokkuð fyrir norðan. Áfram útlit fyrir hæglætisveður á föstudag, þurrt að kalla en fremur svalt í veðri.“

Spákort fyrir klukkan 14.Veðurstofan

Veðurhorfur á landinu næstu daga

Á fimmtudag: Norðlæg eða breytileg átt, 3-8 m/s og dálitlar skúrir eða slydduél á norðanverðu landinu, en bjart með köflum syðra. Hiti 1 til 8 stig, hlýjast á Suðausturlandi.

Á föstudag: Fremur hæg vestlæg eða breytileg átt, skýjað með köflum og skúrir á stöku stað. Hiti 1 til 6 stig, en í kringum frostmark norðaustanlands.

Á laugardag: Sunnanátt, smá væta og hiti 2 til 7 stig, en bjartviðri og hiti í kringum frostmark um landið austanvert.

Á sunnudag: Suðaustanátt með lítilsháttar rigningu, en að mestu þurrt fyrir norðan. Hlýnar í veðri.

Á mánudag og þriðjudag: Útlit fyrir breytilega átt með skúrum eða slydduéljum og kólnandi veður.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið