Innlent

Sautján ára fluttur á bráðadeild eftir líkamsárás við Norðlingaskóla

Ólafur Björn Sverrisson skrifar
Hópur unglinga hafði safnast saman við Norðlingaskóla þegar tilkynnt var um líkamsárás þar fyrir utan skólann.
Hópur unglinga hafði safnast saman við Norðlingaskóla þegar tilkynnt var um líkamsárás þar fyrir utan skólann. facebook/norðlingaskóli

Lögreglan á höfuðborgarsvæðinu hafði í nægu að snúast í gærkvöldi og í nótt, á meðal þeirra verkefna sem embættið sinnti var tilkynning um líkamsárás við Norðlingaskóla þar sem 17 ára piltur var fluttur á bráðadeild með áverka á höfði.

Þetta kemur fram í dagbók lögreglu en þar segir jafnframt að hópur unglinga hafi verið við Norðlingaskóla þegar lögreglu bar að garði en árásarmaður farinn af vettvangi. Hringt hafi verið í móður piltsins og tilkynning send til Barnaverndar.

Í Hlíðahverfi var einnig tilkynnt um slagsmál milli tveggja manna á gatnamótum. Hafi það atvikast þannig að maður hafi gengið fyrir bifreið annars manns. Ökumaðurinn hafi þá farið úr bílnum til að ræða við þann mann og enduðu þau orðaskipti með slagsmálum, að því er kemur fram í tilkynningu lögreglunnar. Ökumaður hafi þá náð í prik í bifreiðinni og ógnað manninum. Ökumaður hlaut loks sár á augabrún og var sinnt á bráðamóttöku.

Í Laugarneshverfi var tilkynnt um þjófnað úr geymslum í fjölbýlishúsi. Búið hafi verið að brjóta upp hurðir og stela verðmætum. 

Þá var að venju nokkuð um ölvunarakstur og afskipti höfð af manni sem tilkynnt var um að stæði að sölu fíkniefna í Hafnafirði.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×