Hiti allt að tuttugu stigum og hlýjast sunnantil

Atli Ísleifsson skrifar 5. september 2022 07:12

Ferðamenn við Hallgrímskirkju. Vísir/Vilhelm

Veðurstofan spáir mildu og rólegu veðri næstu daga. Víða verður hæg breytileg átt í dag og léttskýjað, en sums staðar þokubakkar við ströndina.

Á vef Veðurstofunnar segir að hiti verði á bilinu ellefu til tuttugu stig yfir daginn, hlýjast í uppsveitum á Suðurlandi.

„Það verður svipað veður á morgun, hægur vindur og víða bjart, en þokan verður líklega heldur ágengari við norður- og austurströndina.“

Veðurhorfur á landinu næstu daga

Á þriðjudag: Hæg austlæg eða breytileg átt. Víða léttskýjað, en þokubakkar við norður- og austurströndina. Hiti 10 til 19 stig, hlýjast á suðvestanverðu landinu.

Á miðvikudag: Hæg austlæg eða breytileg átt og bjart með köflum, en skýjað og lítilsháttar rigning eða súld suðaustan- og austantil á landinu. Hiti 8 til 17 stig, hlýjast á Suðvesturlandi.

Á fimmtudag: Suðaustan og austan 3-8 m/s, en 8-13 við suðvestur- og vesturströndina. Bjart með köflum, en dálítil rigning vestantil á landinu. Hiti 10 til 17 stig.

Á föstudag: Suðaustan og austan 5-13 og dálítil væta með köflum, en hægari vindur og bjartviðri á Norður- og Austurlandi. Hiti breytist lítið.

Á laugardag og sunnudag: Suðlæg eða breytileg átt og dálítil væta á víð og dreif. Áfram milt í veðri.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.