Veður

Hvasst og rigning suð­vestan­til en hiti nær 22 gráðum norða­naustan­til

Atli Ísleifsson skrifar
Seinni partinn fer svo að lægja, fyrst vestantil, en síðan um allt land í nótt og dregur vel úr úrkomunni.
Seinni partinn fer svo að lægja, fyrst vestantil, en síðan um allt land í nótt og dregur vel úr úrkomunni. Vísir/Vilhelm

Allhvöss suðaustanátt skellur á suðvestur- og vesturhluta landsins í dag með talsverðri rigningu. Um landið norðaustanvert stefnir hins vegar í bjartan og fallegan dag þar sem hæstu hitatölur fara líklega í 22 stig.

Þar mun þó einnig bæta í vindinn þar þegar líður á daginn. Seinni partinn fer svo að lægja, fyrst vestantil, en síðan um allt land í nótt og dregur vel úr úrkomunni.

Á vef Veðurstofunnar segir tíðindalítið veður næturinnar muni ekki staldra lengi við því næsta lægð kemur á morgun með mjög svipuðu veðri og spáir í dag, það er allhvassri suðlægri átt og talsverðri rigningu sunnan- og vestantil.

Þegar líður á morgundaginn snýst í heldur hægari vestlæga átt og dregur smám saman úr úrkomu.

Tilefni er til að minna ferðalanga á að við fjöll geti hvassir vindstrengir verið varasamir ökutækjum sem taki á sig mikinn vind.

Spákot fyrir klukkan 14 í dag.Veðurstofan

Veðurhorfur á landinu næstu daga

Á miðvikudag: Gengur í sunnan 10-18 m/s með rigningu víða, jafnvel talsverð á köflum, en þurrt að kalla norðaustanlands. Snýst í heldur hægari vestlæga átt og dregur úr vætu þegar líður á daginn, fyrst vestantil. Hiti 7 til 17 stig, hlýjast á Austurlandi.

Á fimmtudag: Suðlæg eða breytileg átt 3-8 m/s og skúrir í flestum landshlutum. Hiti 7 til 12 stig.

Á föstudag: Norðan 5-13 m/s og rigning af og til um landið norðanvert. Lengst af léttskýjað sunnan heiða, en líkur á stöku skúr syðst. Hiti 5 til 12 stig, mildast á Suðurlandi.

Á laugardag, sunnudag og mánudag: Útlit fyrir frekar hæga breytilega átt og bjart með köflum. Hiti 8 til 15 stig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.