Man United ekki meðal efstu sex liða Englands þegar kemur að eyðslu Runólfur Trausti Þórhallsson skrifar 11. ágúst 2022 23:00 Lisandro Martinez er annar af þeim leikmönnum sem Man United hefur keypt í sumar. EPA-EFE/Peter Powell Manchester United slefaði í sjötta sæti ensku úrvalsdeildarinnar í fótbolta á síðustu leiktíð en kemst hins vegar ekki í efstu sex sætin yfir þau félög deildarinnar sem hafa eytt hvað mest í nýja leikmenn í sumar. Chelsea er sem stendur það lið sem hefur eytt mestu. Vert að taka fram að hér er aðeins átt við þann pening sem lið hafa borgað fyrir leikmenn en ekki nettó eyðslu þeirra í sumar. Man United átti arfaslakt síðasta tímabil og endaði 13 stigum á eftir Tottenham Hotspur sem nældi í fjórða og síðasta Meistaradeildarsætið. Þá endaði Man Utd heilum 35 stigum á eftir nágrönnum sínum og Englandsmeisturum Manchester City. Það hefði því mátt búast við yfirvinnu á faxtækinu á skrifstofu Man Utd en í raun hefur andstæðan átt sér stað. Eftir að missa Paul Pogba, Nemanja Matić, Juan Mata, Jesse Lingard og Edinson Cavani alla á frjálsri sölu þá hefur Erik Ten Hag, nýráðinn þjálfari félagsins, aðeins náð að sannfæra þrjá leikmenn um að ganga í raðir félagsins. Christian Eriksen kom á frjálsri sölu, Tyrell Malacia kom frá Feyenoord á rúmar 13 milljónir punda (2,1 milljarð íslenskra króna) og Lisandro Martinez kom á tæpar 50 milljónir punda frá Ajax (tæplega 8,3 milljarðar íslenskra króna). Á sama tíma eru fimm félög sem hafa eytt 100 milljónum punda (rúmlega 16,6 milljarðar íslenskra króna) eða meira. Þar á eftir kemur Leeds United en félagið hefur eytt rúmlega 95 milljónum punda í sumar. Hér má sjá samantekt Sky Sports á eyðslu félaganna.Sky Sports Chelsea er það lið sem hefur eytt mestu í leikmenn en nágrannaliðin í Lundúnum hafa verið iðnust við kolann í sumar. Ásamt Chelsea eru Arsenal, Tottenham Hotspur og West Ham United í efstu fjórum sætunum. Chelsea hefur eytt 176,5 milljónum punda í þá Marc Cucurella, Raheem Sterling, Kalidou Koulibaly, Carney Chukwuemeka og Gabriel Slonina. Arsneal hefur eytt 121,5 milljónum punda í þá Gabriel Jesus, Fábio Vieira, Oleksandr Zinchenko, Matt Turner og Marquinhos. Tottenham hefur eytt 115 milljónum punda í Richarlison, Yves Bissouma, Djed Spence, Ivan Perisic og Fraser Forster. Þá kom Clément Lenglet á láni frá Barcelona. West Ham hefur eytt 102,75 milljónum punda í Gianluca Scamacca, Nayef Aguerd, Maxwel Cornet, Flynn Downes og Alphonse Areola. Norski framherjinn skoraði tvisvar í fyrsta deildarleik sínum fyrir Manchester City.Mike Hewitt/Getty Images Manchester City er svo í fimmta sæti eftir að hafa eytt 101,1 milljón punda í Erling Braut Håland, Kalvin Phillips og Stefan Ortega. Þar á eftir kemur Leeds en félagið hefur eytt 95,4 milljónum punda í þá Brendan Aaronson, Luis Sinisterra, Tyler Adams, Rasmus Kristensen, Marc Roca, Darko Gyabi og Joel Robles. Athygli vekur að ásamt Man Utd þá er Liverpool hvergi sjáanlegt á þessum lista. Liðið úr Bítlaborginni sótti Luis Díaz í janúar síðastliðnum og í sumar hefur félagið fest kaup á Darwin Núñez, Fábio Carvalho og Calvin Ramsey. Það þarf því ekki að hafa miklar áhyggjur þar þó félagið hafi ekki brotið 100 milljón punda múrinn. Darwin Núñez gekk í raðir Liverpool í sumar.Getty/Boris Streubel Félagaskiptaglugginn fyrir félög í ensku úrvalsdeildinni lokar þann 1. september og því er enn nægur tími fyrir félög til að spreða peningum í nýja leikmenn. Fótbolti Enski boltinn Mest lesið Kláraði læknisfræði og keppti á HM í sömu viku Sport Lyfjaeftirlitið vill stoppa Steraleikana Sport Rúnar látinn fara frá Leipzig Handbolti Sendi sónarmynd: Tvö ákærð eftir fjárkúgun gamallar kærustu Enski boltinn Kraftaverkamaðurinn Gunnar Már sem þjálfarinn kallar Jesús Körfubolti Leiðinlegir og slappir: Heimir fékk afmæliskort en enga veislu Fótbolti Leik lokið: Valur - Þróttur 2-1 | Valskonur í undanúrslit Íslenski boltinn Orri lofar næstu stjörnu Arsenal: „Frábær strákur með fæturna fyrir neðan jörðina“ Fótbolti Vilja tæpa tólf milljarða fyrir Garnacho Enski boltinn Liverpool að landa dýrasta leikmanni í sögu deildarinnar Enski boltinn Fleiri fréttir Grealish fer ekki með á HM félagsliða Liverpool að landa dýrasta leikmanni í sögu deildarinnar City staðfestir kaupin á Reijnders Sendi sónarmynd: Tvö ákærð eftir fjárkúgun gamallar kærustu Vilja tæpa tólf milljarða fyrir Garnacho Arftaki hins titlaóða Carsons fundinn Man City staðfestir kaupin á Cherki Forest vill niðurstöðu í mál Palace Man City ræður annan úr teymi Klopp hjá Liverpool Chelsea vill Gittens áður en glugginn lokar Allt klárt og Frank verður næsti stjóri Tottenham Aït-Nouri fyrstur inn um dyrnar hjá Man City Segja Man United hafa sett í samband við Sporting vegna framherjans eftirsótta City að festa kaup á hinum eftirsótta Cherki Thomas Frank að taka við Tottenham Fer frá City eftir aðeins tvo leiki en tólf titla á sex árum Liverpool hækkar tilboð sitt Man. United gat ekki neitt en græddi samt meiri pening Leikmenn Tottenham sagðir öskuillir og í uppreisnarhug eftir brottrekstur Ange Rekinn frá Tottenham Segir nýja Brassann hjá Chelsea geta orðið eins góður og Lamine Yamal Dómari í enska boltanum segist hata VAR Liverpool byrjar undirbúningstímabilið á móti Stefáni Teiti Hættur eftir að hafa spilað með 42 liðum Kerkez spilar ekki með Ungverjum: Sagður á leið til Liverpool að skrifa undir Liverpool hafnaði tilboði Barcelona Sonur Bruno Fernandes mætti á æfingu hjá FH Stjörnur Chelsea spiluðu saman í unglingaliði City Mbuemo fer fram á fimmfalt hærri laun Rio Ferdinand: Ég er skotskífa vegna gengis Man United Sjá meira
Vert að taka fram að hér er aðeins átt við þann pening sem lið hafa borgað fyrir leikmenn en ekki nettó eyðslu þeirra í sumar. Man United átti arfaslakt síðasta tímabil og endaði 13 stigum á eftir Tottenham Hotspur sem nældi í fjórða og síðasta Meistaradeildarsætið. Þá endaði Man Utd heilum 35 stigum á eftir nágrönnum sínum og Englandsmeisturum Manchester City. Það hefði því mátt búast við yfirvinnu á faxtækinu á skrifstofu Man Utd en í raun hefur andstæðan átt sér stað. Eftir að missa Paul Pogba, Nemanja Matić, Juan Mata, Jesse Lingard og Edinson Cavani alla á frjálsri sölu þá hefur Erik Ten Hag, nýráðinn þjálfari félagsins, aðeins náð að sannfæra þrjá leikmenn um að ganga í raðir félagsins. Christian Eriksen kom á frjálsri sölu, Tyrell Malacia kom frá Feyenoord á rúmar 13 milljónir punda (2,1 milljarð íslenskra króna) og Lisandro Martinez kom á tæpar 50 milljónir punda frá Ajax (tæplega 8,3 milljarðar íslenskra króna). Á sama tíma eru fimm félög sem hafa eytt 100 milljónum punda (rúmlega 16,6 milljarðar íslenskra króna) eða meira. Þar á eftir kemur Leeds United en félagið hefur eytt rúmlega 95 milljónum punda í sumar. Hér má sjá samantekt Sky Sports á eyðslu félaganna.Sky Sports Chelsea er það lið sem hefur eytt mestu í leikmenn en nágrannaliðin í Lundúnum hafa verið iðnust við kolann í sumar. Ásamt Chelsea eru Arsenal, Tottenham Hotspur og West Ham United í efstu fjórum sætunum. Chelsea hefur eytt 176,5 milljónum punda í þá Marc Cucurella, Raheem Sterling, Kalidou Koulibaly, Carney Chukwuemeka og Gabriel Slonina. Arsneal hefur eytt 121,5 milljónum punda í þá Gabriel Jesus, Fábio Vieira, Oleksandr Zinchenko, Matt Turner og Marquinhos. Tottenham hefur eytt 115 milljónum punda í Richarlison, Yves Bissouma, Djed Spence, Ivan Perisic og Fraser Forster. Þá kom Clément Lenglet á láni frá Barcelona. West Ham hefur eytt 102,75 milljónum punda í Gianluca Scamacca, Nayef Aguerd, Maxwel Cornet, Flynn Downes og Alphonse Areola. Norski framherjinn skoraði tvisvar í fyrsta deildarleik sínum fyrir Manchester City.Mike Hewitt/Getty Images Manchester City er svo í fimmta sæti eftir að hafa eytt 101,1 milljón punda í Erling Braut Håland, Kalvin Phillips og Stefan Ortega. Þar á eftir kemur Leeds en félagið hefur eytt 95,4 milljónum punda í þá Brendan Aaronson, Luis Sinisterra, Tyler Adams, Rasmus Kristensen, Marc Roca, Darko Gyabi og Joel Robles. Athygli vekur að ásamt Man Utd þá er Liverpool hvergi sjáanlegt á þessum lista. Liðið úr Bítlaborginni sótti Luis Díaz í janúar síðastliðnum og í sumar hefur félagið fest kaup á Darwin Núñez, Fábio Carvalho og Calvin Ramsey. Það þarf því ekki að hafa miklar áhyggjur þar þó félagið hafi ekki brotið 100 milljón punda múrinn. Darwin Núñez gekk í raðir Liverpool í sumar.Getty/Boris Streubel Félagaskiptaglugginn fyrir félög í ensku úrvalsdeildinni lokar þann 1. september og því er enn nægur tími fyrir félög til að spreða peningum í nýja leikmenn.
Fótbolti Enski boltinn Mest lesið Kláraði læknisfræði og keppti á HM í sömu viku Sport Lyfjaeftirlitið vill stoppa Steraleikana Sport Rúnar látinn fara frá Leipzig Handbolti Sendi sónarmynd: Tvö ákærð eftir fjárkúgun gamallar kærustu Enski boltinn Kraftaverkamaðurinn Gunnar Már sem þjálfarinn kallar Jesús Körfubolti Leiðinlegir og slappir: Heimir fékk afmæliskort en enga veislu Fótbolti Leik lokið: Valur - Þróttur 2-1 | Valskonur í undanúrslit Íslenski boltinn Orri lofar næstu stjörnu Arsenal: „Frábær strákur með fæturna fyrir neðan jörðina“ Fótbolti Vilja tæpa tólf milljarða fyrir Garnacho Enski boltinn Liverpool að landa dýrasta leikmanni í sögu deildarinnar Enski boltinn Fleiri fréttir Grealish fer ekki með á HM félagsliða Liverpool að landa dýrasta leikmanni í sögu deildarinnar City staðfestir kaupin á Reijnders Sendi sónarmynd: Tvö ákærð eftir fjárkúgun gamallar kærustu Vilja tæpa tólf milljarða fyrir Garnacho Arftaki hins titlaóða Carsons fundinn Man City staðfestir kaupin á Cherki Forest vill niðurstöðu í mál Palace Man City ræður annan úr teymi Klopp hjá Liverpool Chelsea vill Gittens áður en glugginn lokar Allt klárt og Frank verður næsti stjóri Tottenham Aït-Nouri fyrstur inn um dyrnar hjá Man City Segja Man United hafa sett í samband við Sporting vegna framherjans eftirsótta City að festa kaup á hinum eftirsótta Cherki Thomas Frank að taka við Tottenham Fer frá City eftir aðeins tvo leiki en tólf titla á sex árum Liverpool hækkar tilboð sitt Man. United gat ekki neitt en græddi samt meiri pening Leikmenn Tottenham sagðir öskuillir og í uppreisnarhug eftir brottrekstur Ange Rekinn frá Tottenham Segir nýja Brassann hjá Chelsea geta orðið eins góður og Lamine Yamal Dómari í enska boltanum segist hata VAR Liverpool byrjar undirbúningstímabilið á móti Stefáni Teiti Hættur eftir að hafa spilað með 42 liðum Kerkez spilar ekki með Ungverjum: Sagður á leið til Liverpool að skrifa undir Liverpool hafnaði tilboði Barcelona Sonur Bruno Fernandes mætti á æfingu hjá FH Stjörnur Chelsea spiluðu saman í unglingaliði City Mbuemo fer fram á fimmfalt hærri laun Rio Ferdinand: Ég er skotskífa vegna gengis Man United Sjá meira