Veður

Hiti að fimm­tán stigum en svalara fyrir austan

Atli Ísleifsson skrifar
Úr Þórsmörk. Myndin er úr safni.
Úr Þórsmörk. Myndin er úr safni. Vísir/Vilhelm

Veðurstofan gerir ráð fyrir austlægri átt í dag, þremur til átta metrum á sekúndu, einkum síðdegis, en átta til þrettán metrum með rigningu á siðaustanverðu landinu.

Á vef Veðurstofunnar segir að hiti verði yfirleitt á bilinu tíu til fimmtán stig en svalara á Austfjörðum.

„Norðanátt um helgina, 5-13 m/s, hvassast vestantil. Rigning á norðan- og austanverðu landinu.

Dagarnir byrja þurrir í öðrum landshlutum en það má búast við nokkrum síðdegisskúrum sunnanlands.

Þurrt og bjart veður er í kortunum á suðvesturhorninu. Hiti 8 til 16 stig, hlýjast syðst en kólnar fyrir norðan á sunnudag.“

Spákortið fyrir klukkan 14 í dag.Veðurstofan

Veðurhorfur á landinu næstu daga

Á laugardag: Norðan 5-13 m/s, hvassast vestast. Súld eða rigning norðan- og austanlands. Þurrt á Suðvesturlandi, en skúrir sunnanlands síðdegis. Hiti frá 6 stigum við norðurströndina, upp í 16 stig á Suðurlandi.

Á sunnudag: Norðan 3-10 og dálítil rigning á Norður- og Austurlandi. Víða bjartviðri sunnan heiða, en stöku skúrir syðst á landinu síðdegis. Kólnar lítillega.

Á mánudag: Norðlæg eða breytileg átt 3-8. Skýjað og lítilsháttar væta norðan- og austanlands, en síðdegisskúrir á Suður- og Vesturlandi. Hiti frá 3 stigum í innsveitum fyrir norðan, upp í 13 stig á Suðurlandi.

Á þriðjudag og miðvikudag: Hæg breytileg átt. Skýjað að mestu á landinu og líkur á skúrum, einkum síðdegis. Hiti 7 til 12 stig.

Á fimmtudag (uppstigningardagur): Útlit fyrir vestlæga eða breytilega átt og vætu í flestum landhlutum. Hiti 4 til 10 stig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.