Lífið

Oddvitaáskorunin: Semur eigin lög og texta

Samúel Karl Ólason skrifar
Stangveiði og skotveiði eru meðal helstu áhugamála Antons.
Stangveiði og skotveiði eru meðal helstu áhugamála Antons.

Vísir stendur fyrir Oddvitaáskoruninni 2022 þar sem skorað er á oddvita allra flokka í sveitarfélögum um land allt að taka þátt. Áskorunin felur í sér stutta kynningu og að svara nokkrum léttum spurningum.

Anton Kristinn Guðmundsson er oddviti B-lista Framsóknarfélags Suðurnesjabæjar. Anton er 29 ára, fæddur og uppalinn í Grindavík en býr nú í Sandgerði. Anton er giftur Rebekku Ósk Friðriksdóttur snyrtifræðing og eiga þau tvíburadæturnar Írenu og Dögun, 6 ára.

Anton hefur verið virkur þátttakandi í starfi Framsóknarflokksins í mörg ár. Hann sat í stjórn Framsóknarfélags Grindavíkur árin 2014 – 2021 og var formaður þess árin 2019 – 2021. Í dag er hann formaður Framsóknarfélags Suðurnesjabæjar og sat á framboðslista Framsóknar í Suðurkjördæmi fyrir Framsóknarfélag Suðurnesjabæjar sl. alþingiskosningar. Hann hefur verið í framboði fyrir Framsókn í bæjarstjórnarkosningum síðustu tvö kjörtímabil í Grindavík. Undanfarin ár hefur hann starfað í skipulagsnefnd Grindavíkurbæjar.

Sjá einnig: Oddvitar um allt land sýna hina hliðina í Oddvitaáskorun Vísis

Anton hefur frá unga aldri verið virkur í tónlist, bæði samið sín eigin lög og texta sem er hægt að finna á öllum helstu efnisveitum.

Hans helstu baráttumál eru skipulagsmál, málefni fjölskyldufólks og aldraðra.

Anton Kristinn Guðmundsson.

„Ég sé mikil tækifæri í Suðurnesjabæ þar sem við erum öflugt stækkandi sveitarfélag sem er í stöðugri þróun. Það er eftirsóknarvert að búa hér og ala upp fjölskyldu, ég vill taka þátt í þeirri vegferð og gera Suðurnesjabæ enn betri.

Fólk í Suðurnesjabæ á að kjósa mig og mitt fólk þar sem við erum ungt, öflugt fólk sem sjáum góða framtíð fyrir okkur og okkar fólk í sveitarfélaginu.

Við ætlum að setja málefni barna á dagskrá, tryggja heilbriðgisþjónustu í sveitarfélaginu og stuðla að uppbyggingu innviða. Þá ætlum við að tryggja nægt lóðaframboð í Suðurnesjabæ til að bregðast við stöðunni á húsnæðismarkaðnum. Við ætlum að halda áfram að fjárfesta í fólki og vera hhreyfiafl framfara í samfélaginu.“

Hver er fallegasti staðurinn á Íslandi?

Húsafell, þar sem einstök náttúra er allsríkjandi.

Er eitthvað lítilvægt sem fer þó í taugarnar á þér í þínu sveitarfélagi sem þú vilt að sé lagað?

Götur bæjarins, þær eru í mjög slæmu ástandi.

Hvert er þitt uppáhalds áhugamál sem gæti þótt skrítið?

Mín áhugamál eru stang- og skotveiði og tónlist. Sama hversu skrítið það hljómar.

Anton og fjölskyldan í Ásbyrgi.

Hver eru þín minnistæðustu samskipti við lögregluna?

Ég hitti lögreglufólkið á Suðurnesjum í vinnunni daglega og gef þeim að borða.

Hvað færðu þér á pizzu?

Hvítlauksbrauð með humri er í uppáhaldi.

Hvaða lag peppar þig mest?

Blindsker með Bubba.

Hvað getur þú tekið margar armbeygjur?

Fjórtán stk!

Göngutúr eða skokk?

Göngutúr með hundinum.

Uppáhalds brandari?

Ég hef gaman af sjálfum mér og mínum einkahúmor.

Hvað er þitt draumafríi?

Á sólarströnd og í íslenskri útilegu.

Hvort fannst þér 2020 eða 2021 vera verra ár?

Segi 2020.

Uppáhalds tónlistarmaður?

Bubbi Morthens.

Anton er kokkur.

Hvað er það skrýtnasta sem þú manst eftir að hafa gert?

Ganga yfir bíl.

Ef það væri gerð kvikmynd um ævi þína, hver ætti að leika þig? Má vera íslenskur eða  útlenskur.

Ólafur Darri, toppmaður.

Hefur þú verið í verbúð?

Nei en hefði vilja upplifa það.

Áhrifamesta kvikmyndin?

Walk the line.

Áttu eftir að sakna Nágranna?

Nei, hef ekki horft á einn þátt.

Ef þú yrðir að flytja úr þínu sveitarfélagi, hvert myndir þú helst vilja fara?

Í Borgarbyggð.

Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla)

Rabbabara Rúna.

Vísir skorar á oddvita stjórnmálaflokka út um allt land að taka þátt í Oddvitaáskoruninni til að kynna sig og sín málefni. Nánari upplýsingar er hægt að nálgast með því að senda póst á samuel@stod2.is og anitaga@stod2.is. Fyrri Oddvitaáskoranir má skoða á síðunni visir.is/p/oddvitaaskorun.


Tengdar fréttir

Oddvitaáskorunin: Fór einu sinni kirkjuvillt í jarðaför

Vísir stendur fyrir Oddvitaáskoruninni 2021 þar sem skorað er á oddvita allra flokka í sveitarfélögum um land allt að taka þátt. Áskorunin felur í sér stutta kynningu og að svara nokkrum léttum spurningum.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.