Innlent

Nýtt met: 448 greindust innanlands

Vésteinn Örn Pétursson skrifar
Frá sýnatökustöðinni á Suðurlandsbraut.
Frá sýnatökustöðinni á Suðurlandsbraut. Vísir/Vilhelm

Í gær greindust 488 með Covid-19 hér á landi. Þar af greindust 448 innanlands, sem er hæsti fjöldi innanlandssmita sem greinst hefur á einum degi. Á landamærunum greindust 40 manns.

Fyrra metið var ekki gamalt þegar það féll, en í fyrradag greindust 443 með Covid hér á landi.

Þetta kemur fram í bráðabirgðatölum sem Almannavarnir sendu á fjölmiðla nú rétt í þessu. Af þeim sem greindust innanlands voru 152 í sóttkví, eða um 34 prósent.

Samkvæmt tölum Almannavarna eru nú 2.969 í einangrun og 3.812 í sóttkví.

Fjöldi tekinna sýna og önnur nánari tölfræði um framgang faraldursins verða næst uppfærð á mánudaginn og birtast á Covid.is, að því er fram kemur í skeyti Almannavarna.

Fréttin hefur verið uppfærð.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið