Höfundur Hansdætra sendir frá sér nýja bók Forlagið 6. desember 2021 08:51 Benný Sif Ísleifsdóttir ólst upp á Eskifirði og sækir sögusviðið gjarnan til landsbyggðarinnar. Djúpið eftir Benný Sif Ísleifsdóttur er bók vikunnar á Vísi Djúpið gerist sumarið 1975. Valborg, ungur líffræðinemi fær sumarstarf á Vestfjörðum við að efla atvinnutækifæri í brothættri byggð og eygir um leið tækifæri á nýju upphafi fyrir sig. Það gengur ekki eftir. Ástir og átök, litríkar persónur og samspil manns og náttúru einkenna söguna. Djúpið er þriðja skáldsaga Bennýjar Sifjar en Gríma kom út 2018 og Hansdætur 2020. Báðar hlutu þær mikið lof lesenda og gagnrýnenda, Gríma hlaut Íslensku hljóðbókaverðlaunin og Hansdætur var tilnefnd til Evrópsku bókmenntaverðlaunanna. Þá hafa tvær skáldsögur fyrir börn komið út eftir Benný Sif, Jólasveinarannsóknin og Álfarannsóknin. Djúpið hverfist um þrjá meginþræði, átröskun, nýtingu náttúruauðlinda og byggðavanda „Sagan hefst þegar Valborg röltir niður á BSÍ úr Þingholtunum og býst við að slást þar í hóp annarra nemenda úr raungreinadeildinni á leið í Djúpið, sem hún þekkir af því að vera plebbalegir og lummó. Hana rekur því í rogastans þegar hún hittir fyrir skvísuna Ellen Ellerts, þekkta fyrirsætu sem á kærasta í hljómsveit. Það kemur Valborgu úr jafnvægi og sumarið reynist henni erfitt. Hún býr á heimavistinni í Djúpinu og reynir að búa til nýja ímynd í hópi þessa unga fólks. Hún speglar sig stöðugt í Ellen og á erfitt með samanburðinn og þessa miklu samveru á heimavistinni,“ útskýrir Benný Sif. Hópurinn sem Valborg vinnur með á að koma með hugmyndir og innspýtingu inn í samfélagið í Djúpinu en verkefnið reynist meira í orði en á borði og ýmislegt sem á sér stað til hliðar sem meðal annars tengist nýtingu auðlinda á staðnum. Djúpið kallast hressilega á við nútímann þó sögusviðið sé áttundi áratugurinn. „Biðlistar í meðferð vegna átröskunar hafa aldrei verið lengri, nýting auðlinda, náttúruvernd og loftslagsmál eru í brennidepli og íbúar smærri byggða landsins búa víða við brothætt atvinnuöryggi. Að sumu leyti vel ég þennan sögutíma með tilliti til þessa,“ segir Benný Sif. „Ég er heilluð af fortíðinni og sögur sem við skrifum í dag og fjalla um horfna tíma eru samtal við nútímann. Speglunum hefur fjölgað, Valborg speglar sig í Ellen en í dag speglar fólk sig í samfélagsmiðlum sem gefa engin grið, á sögutíma Djúpsins eru sveitirnar að fara í eyði og fólk að færa sig í þéttbýlið en í dag eru það smærri bæjarfélög sem eiga undir högg að sækja. Sagan fjallar því með ákveðnum hætti um okkar tíma.“ Skáldsögur Bennýjar Sifjar gerast allar þrjár á landsbyggðinni enda þekkir hún það sögusvið vel, alin upp á Eskifirði. Sögurnar hennar fjalla einnig allar um konur. Benný Sif er þjóðfræðingur sem hún segir að gefi sér sérstaka sýn á heiminn. „Þjóðfræði snýst um allt í mannlegri tilveru og horfir ekki á sannleiksgildi í sögum sem við segjum, þjóðsögur, draugasögur, flökkusögur og svo framvegis, heldur frekar af hverju þær eru sagðar, hvers vegna verða þær til? Það er tengingin yfir í að skrifa skáldsögu. Fyrsta bókin mín, Gríma, fjallar um sjómannskonur og sagan er eiginlega minn félagslegi bakgrunnurþó hún gerist áður en ég fæðist. Mamma var sjómannskona og pabbi skipstjóri. Hansdætur gerist í sjávarþorpi fyrir vestan en pabbi var Vestfirðingur svo þangað liggur djúp taug. Jú, þetta eru allt kvennasögur með sterkum feminískum tón og Djúpið gerist á kvennaárinu 1975 en það eru sannarlega karlar í sögunum líka og ég hef fengið góð viðbrögð frá karlkyns lesendum einnig,“ segir Benný Sif. Menning Bókmenntir Jól Mest lesið Heillaði að læra hefðirnar í Húsó Lífið KK og Sinfó: Clint Eastwood mætti í Eldborg Gagnrýni Brad Pitt tjáir sig í fyrsta skipti um skilnaðinn Lífið Hefur lést um níu kíló eftir hjartaáfallið: „Maður vaknar svolítið við þetta“ Lífið „Þetta tekur svo svakalega á sálartetrið“ Lífið Steldu senunni í veislu sumarsins Lífið Sjarmerandi miðbæjaríbúð listapars Lífið Dreymir stanslaust kynlíf með öðru fólki en makanum Lífið Kolféll fyrir New York en sér íslenska náttúru í hillingum Lífið Tónlistarbransadrottning selur miðbæjarslotið Lífið Fleiri fréttir Iðnaðarmaður ársins 2025 - Þorleifur er kominn í úrslit Iðnaðarmaður ársins 2025 - Eyjólfur er kominn í úrslit Iðnaðarmaður ársins 2025 – Róbert er kominn í úrslit Iðnaðarmaður ársins 2025 - Þór er kominn í úrslit Með andlit sem fleiri en bara mæður þeirra geta elskað Iðnaðarmaður ársins 2025 - Elsa er komin í úrslit Iðnaðarmaður ársins - Davíð Már er kominn í úrslit Stuðla að heilbrigði með lífrænum barnamat Komdu með í ævintýri til Ítalíu Viltu kynnast töfrum Taílands? Ný og endurbætt snyrtivörudeild opnuð í Hagkaup Pub Quiz hvar sem er, hvenær sem er! Fyrsta háhælahlaup Íslandssögunnar Ný hugsun í heimi brúnkuvara Fyrirtæki á Norðurlandi styðja SÁÁ Komdu með á ströndina — Ný sumarlína frá Moomin Arabia BAUHAUS býður þér í glæsilega afmælisveislu! Aldrei verið eins einfalt að bóka tíma Tork gaur: BMW neglir fallegan framenda Batinn á vefjagigt kom úr óvæntri átt Viltu vinna spennandi vinninga í vorleik Vísis? Tilbúnir réttir úr smiðju verðlauna kokks Sumarið er komið á Boozt Að eiga tæki frá Stihl er lífsstíll Persónuleg gjafakort sem renna aldrei út Viltu vinna skemmtilegar gjafir fyrir sumardaginn fyrsta? Ný fjarlækningaþjónusta fyrir sykursýkissjúklinga á Selfossi Fullkomnar sögur fyrir páskafríið Fyrsta 100% rafútgáfan af Porsche Macan Lúxus heilsulind á heimsmælikvarða fyrir Íslendinga Sjá meira
Djúpið gerist sumarið 1975. Valborg, ungur líffræðinemi fær sumarstarf á Vestfjörðum við að efla atvinnutækifæri í brothættri byggð og eygir um leið tækifæri á nýju upphafi fyrir sig. Það gengur ekki eftir. Ástir og átök, litríkar persónur og samspil manns og náttúru einkenna söguna. Djúpið er þriðja skáldsaga Bennýjar Sifjar en Gríma kom út 2018 og Hansdætur 2020. Báðar hlutu þær mikið lof lesenda og gagnrýnenda, Gríma hlaut Íslensku hljóðbókaverðlaunin og Hansdætur var tilnefnd til Evrópsku bókmenntaverðlaunanna. Þá hafa tvær skáldsögur fyrir börn komið út eftir Benný Sif, Jólasveinarannsóknin og Álfarannsóknin. Djúpið hverfist um þrjá meginþræði, átröskun, nýtingu náttúruauðlinda og byggðavanda „Sagan hefst þegar Valborg röltir niður á BSÍ úr Þingholtunum og býst við að slást þar í hóp annarra nemenda úr raungreinadeildinni á leið í Djúpið, sem hún þekkir af því að vera plebbalegir og lummó. Hana rekur því í rogastans þegar hún hittir fyrir skvísuna Ellen Ellerts, þekkta fyrirsætu sem á kærasta í hljómsveit. Það kemur Valborgu úr jafnvægi og sumarið reynist henni erfitt. Hún býr á heimavistinni í Djúpinu og reynir að búa til nýja ímynd í hópi þessa unga fólks. Hún speglar sig stöðugt í Ellen og á erfitt með samanburðinn og þessa miklu samveru á heimavistinni,“ útskýrir Benný Sif. Hópurinn sem Valborg vinnur með á að koma með hugmyndir og innspýtingu inn í samfélagið í Djúpinu en verkefnið reynist meira í orði en á borði og ýmislegt sem á sér stað til hliðar sem meðal annars tengist nýtingu auðlinda á staðnum. Djúpið kallast hressilega á við nútímann þó sögusviðið sé áttundi áratugurinn. „Biðlistar í meðferð vegna átröskunar hafa aldrei verið lengri, nýting auðlinda, náttúruvernd og loftslagsmál eru í brennidepli og íbúar smærri byggða landsins búa víða við brothætt atvinnuöryggi. Að sumu leyti vel ég þennan sögutíma með tilliti til þessa,“ segir Benný Sif. „Ég er heilluð af fortíðinni og sögur sem við skrifum í dag og fjalla um horfna tíma eru samtal við nútímann. Speglunum hefur fjölgað, Valborg speglar sig í Ellen en í dag speglar fólk sig í samfélagsmiðlum sem gefa engin grið, á sögutíma Djúpsins eru sveitirnar að fara í eyði og fólk að færa sig í þéttbýlið en í dag eru það smærri bæjarfélög sem eiga undir högg að sækja. Sagan fjallar því með ákveðnum hætti um okkar tíma.“ Skáldsögur Bennýjar Sifjar gerast allar þrjár á landsbyggðinni enda þekkir hún það sögusvið vel, alin upp á Eskifirði. Sögurnar hennar fjalla einnig allar um konur. Benný Sif er þjóðfræðingur sem hún segir að gefi sér sérstaka sýn á heiminn. „Þjóðfræði snýst um allt í mannlegri tilveru og horfir ekki á sannleiksgildi í sögum sem við segjum, þjóðsögur, draugasögur, flökkusögur og svo framvegis, heldur frekar af hverju þær eru sagðar, hvers vegna verða þær til? Það er tengingin yfir í að skrifa skáldsögu. Fyrsta bókin mín, Gríma, fjallar um sjómannskonur og sagan er eiginlega minn félagslegi bakgrunnurþó hún gerist áður en ég fæðist. Mamma var sjómannskona og pabbi skipstjóri. Hansdætur gerist í sjávarþorpi fyrir vestan en pabbi var Vestfirðingur svo þangað liggur djúp taug. Jú, þetta eru allt kvennasögur með sterkum feminískum tón og Djúpið gerist á kvennaárinu 1975 en það eru sannarlega karlar í sögunum líka og ég hef fengið góð viðbrögð frá karlkyns lesendum einnig,“ segir Benný Sif.
Menning Bókmenntir Jól Mest lesið Heillaði að læra hefðirnar í Húsó Lífið KK og Sinfó: Clint Eastwood mætti í Eldborg Gagnrýni Brad Pitt tjáir sig í fyrsta skipti um skilnaðinn Lífið Hefur lést um níu kíló eftir hjartaáfallið: „Maður vaknar svolítið við þetta“ Lífið „Þetta tekur svo svakalega á sálartetrið“ Lífið Steldu senunni í veislu sumarsins Lífið Sjarmerandi miðbæjaríbúð listapars Lífið Dreymir stanslaust kynlíf með öðru fólki en makanum Lífið Kolféll fyrir New York en sér íslenska náttúru í hillingum Lífið Tónlistarbransadrottning selur miðbæjarslotið Lífið Fleiri fréttir Iðnaðarmaður ársins 2025 - Þorleifur er kominn í úrslit Iðnaðarmaður ársins 2025 - Eyjólfur er kominn í úrslit Iðnaðarmaður ársins 2025 – Róbert er kominn í úrslit Iðnaðarmaður ársins 2025 - Þór er kominn í úrslit Með andlit sem fleiri en bara mæður þeirra geta elskað Iðnaðarmaður ársins 2025 - Elsa er komin í úrslit Iðnaðarmaður ársins - Davíð Már er kominn í úrslit Stuðla að heilbrigði með lífrænum barnamat Komdu með í ævintýri til Ítalíu Viltu kynnast töfrum Taílands? Ný og endurbætt snyrtivörudeild opnuð í Hagkaup Pub Quiz hvar sem er, hvenær sem er! Fyrsta háhælahlaup Íslandssögunnar Ný hugsun í heimi brúnkuvara Fyrirtæki á Norðurlandi styðja SÁÁ Komdu með á ströndina — Ný sumarlína frá Moomin Arabia BAUHAUS býður þér í glæsilega afmælisveislu! Aldrei verið eins einfalt að bóka tíma Tork gaur: BMW neglir fallegan framenda Batinn á vefjagigt kom úr óvæntri átt Viltu vinna spennandi vinninga í vorleik Vísis? Tilbúnir réttir úr smiðju verðlauna kokks Sumarið er komið á Boozt Að eiga tæki frá Stihl er lífsstíll Persónuleg gjafakort sem renna aldrei út Viltu vinna skemmtilegar gjafir fyrir sumardaginn fyrsta? Ný fjarlækningaþjónusta fyrir sykursýkissjúklinga á Selfossi Fullkomnar sögur fyrir páskafríið Fyrsta 100% rafútgáfan af Porsche Macan Lúxus heilsulind á heimsmælikvarða fyrir Íslendinga Sjá meira