Veður

All­hvasst við suður­ströndina en annars víða bjart veður

Atli Ísleifsson skrifar
Hiti verður frá fjórum stigum suðvestantil og niður í tíu stiga frost í innsveitum norðaustanlands.
Hiti verður frá fjórum stigum suðvestantil og niður í tíu stiga frost í innsveitum norðaustanlands. Vísir/Vilhelm

Reikna má með austlægri átt í dag, allhvössu og frostlausu veðri við suður- og suðausturströndina og sums staðar dálítilli úrkomu. Annars staðar þurrt og víða bjart veður með væru frosti.

Hiti verður frá fjórum stigum suðvestantil og niður í tíu stiga frost í innsveitum norðaustanlands, en draga mun úr frosti er líður á daginn.

Þetta segir í hugleiðingum veðurfræðings á vef Veðurstofunnar. Þar segir að það muni svo hvessa í nótt og í fyrramálið. Suðaustan stormur og talsverð rigning sunnan- og vestantil síðdegis á morgun, en hægari og þurrt í öðrum landshlutum fram undir kvöld. Hlýnar talsvert í bili.

Þeir sem huga á ferðalög er bent á að fylgjast með veðurspá og eins þeir sem eiga eftir að ganga frá lausamunum, að gera það í tíma.

Spákortið fyrir klukkan 15 í dag.Veðurstofan

Veðurhorfur á landinu næstu daga

Á laugardag: Gengur í suðaustan 15-23 m/s með rigningu, en úrkomulítið norðanlands fram á kvöld. Hlýnandi veður, hiti 6 til 12 stig síðdegis, hlýjast í hnjúkaþey fyrir norðan.

Á sunnudag: Hvöss sunnanátt og rigning í fyrstu, en snýst síðan í hvassa suðvestanátt með skúrum eða éljum og kólnar. Þurrt norðaustantil á landinu.

Á mánudag: Stíf suðvestanátt með S-ströndinni, en annars mun hægari. Rigning eða slydda, en úrkomulítið um landið norðaustanvert. Hiti 0 til 7 stig, mildast með S-ströndinni.

Á þriðjudag: Suðvestlæg átt með slydduéljum og síðar éljum um landið S-vert, en norðaustlægari vindur NV-lands og snjókoma, annars þurrt. Kólnar í veðri.

Á miðvikudag: N-læg átt með éljum eða snjókomu, en þurrt sunnan heiða. Vægt frost víðast hvar.

Á fimmtudag: Útlit fyrir minnkandi norðanátt með dálitlum éljum fyrir norðan. Vaxandi austanátt um kvöldið og þykknar upp sunnantil



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.