Smith Rowe hetja Arsenal

Arsenal, sem hafði ekki tapað í níu síðustu leikjum sínum, vann sigur á Watford í ensku úrvalsdeildinni í dag. Emile Smith Rowe skoraði eina mark leiksins og eftir rautt spjald og langan uppbótartíma tókst Arsenal að knýja fram sigur, 1-0.

Leikurinn fór fjörlega af stað og Bukayo Saka skoraði strax á 7. mínútu en markið var dæmt af vegna rangstöðu. Arsenal hreinlega óð í færum og það var hálf ótrúlegt að staðan væri 0-0 framan af.

Á 36. mínútu fengu Arsenal svo vítaspyrnu þegar að Danny Rose braut af sér í teignum. Pierre Emerick-Aubameyang tók spyrnuna en Ben Foster, markvörður Watford varði vel. Liðin gengu því til búningsherbergja í stöðunni 0-0.

Það sama var uppi á teningnum framan af í síðari hálfleik en á 56. mínútu skoraði Emile Smith Rowe gott mark eftir að Watford hafði mistekist að koma boltanum almennilega frá marki. Hvorugu liðinu tókst svo eftir þetta að skora og Arsenal vann flottan sigur og hefur nú náð í 20 stig af 24 mögulegum í síðustu átta leikjum.

Arsenal er nú í fimmta sæti með 20 stig, en Watford er í 17. sæti með 10 stig.