Enski boltinn

Khabib vildi ekki fá sér vínglas með Ferguson

Ingvi Þór Sæmundsson skrifar
Khabib Nurmagomedov vann alla 29 bardaga sína á ferlinum.
Khabib Nurmagomedov vann alla 29 bardaga sína á ferlinum. getty/Anton Novoderezhkin

Þeir eru ekki margir sem myndu sleppa tækifærinu á að fá sér vínglas með Sir Alex Ferguson. En bardagakappinn fyrrverandi, Khabib Nurmagomedov, gerði það samt.

Khabib var á Old Trafford á laugardaginn og fylgdist með Manchester United gera 1-1 jafntefli við Everton.

Eftir leikinn sást Khabib í samræðum við Ferguson, Patrice Evra og Usain Bolt. Hann hefur núna greint frá því að hann hafi afþakkað boð Fergusons um að fá sér vínglas með honum.

„Þú getur verið heiðarlegur við hann og sagt: ég er múslimi og drekk aldrei. En ég sagði honum líka að það væri ekki gott ef ég drykki því þá myndi ég rústa ykkur öllum. Ferguson samþykkti það,“ sagði Khabib.

Rússinn er mikill vinur Cristianos Ronaldo sem kom inn á sem varamaður í leiknum á laugardaginn.




Fleiri fréttir

Sjá meira


×