Bíó og sjónvarp

Frumsýning: „Riff Royale“ með Tómasi Lemarquis og Halldóru Geirharðs

Sylvía Rut Sigfúsdóttir skrifar
Tómas Lemarquis sem Vincent Vega og Halldóra Geirharðsdóttir sem Jules Winnfield
Tómas Lemarquis sem Vincent Vega og Halldóra Geirharðsdóttir sem Jules Winnfield Skjáskot

Í dag frumsýnum við hér á Vísi nýtt verkefni eftir leikstjórann Baldvin Albertsson. RIFF kynnir með stolti verkið „RIFF Royale.“ 

Um er að ræða endurgerð á sögufrægri senu úr hinni margrómuðu kvikmynd Quentin Tarantino, Pulp Fiction frá árinu 1994, nema á íslensku.

„List á að gleðja og skemmta, en einnig ögra. Aðal tilgangur kvikmyndahátíðar líkt og RIFF er að skapa vettvang svo áhorfendur fái tækifæri til að njóta ólíkra mynda frá öllum heimshornum og því fara aðeins út fyrir þægindarammann í vali á afþreyingu. Tilgangur Riff Royale er að umturna einhverju jafn kunnuglegu og „Cheese Royale“ og ímynda sér til gamans eitt augnablik að myndin væri í raun íslensk,“ segir Baldvin Albertsson, leikstjóri Riff Royale.

Með hlutverk fara Tómas Lemarquis sem Vincent Vega og Halldóra Geirharðsdóttir sem Jules Winnfield. Leikstjórn og hugmyndavinna var í höndum Baldvins Albertssonar, Sigurvín Fálk annaðist kvikmyndatöku og Carolina Salas framleiddi. Árni Gylfason stýrði hljóðupptöku og Ágústa Sif Aðalsteinsdóttir sá um hár og förðun. 

Klippa: RIFF Royale eftir Baldvin Albertsson

„Fjölmargir úr kvikmyndabransa Íslands komu að gerð Riff Royale. Rvk Studios lánuðu kvikmyndaver sitt, RÚV lánuðu búninga og Tjarnargatan ljós. Kári Jóhannson sá um hljóðblöndun og Einar Eyland tók að sér litun. Þakkir fá Íslandstofa, Rvk Studios, búningadeild RÚV, Hertz og Tjarnargatan,“ segir í tilkynningu frá RIFF.

Eins og komið hefur fram hér á Vísi hefst RIFF næstkomandi fimmtudag og stendur til 10. október. Opnunarmynd hátíðarinnar í ár er Versta Manneskja í heimi eftir Joachim Trier.

Miðasala er í fullum gangi. Flestar sýningar fara fram í Bió Paradís og Norrænahúsinu en einnig verða ákveðnar myndir sýndar á sérstökum viðburðum víða um bæ. Einnig er hægt að njóta kvikmynda sem sýndar eru á hátíðinni með‘Riff Heima’ sem aðgengilegt er á riff.is

Alla umfjöllun okkar um RIFF má finna HÉR.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.