Innlent

„Opið hús og allir velkomnir“ í Janssen í dag

Kristín Ólafsdóttir skrifar
Bólusetningar hafa gengið greiðlega í Laugardalshöll síðustu vikur og mánuði.
Bólusetningar hafa gengið greiðlega í Laugardalshöll síðustu vikur og mánuði. Vísir/vilhelm

Bólusett verður með bóluefni Janssen gegn kórónuveirunni í Laugardalshöll klukkan 10 til 13 í dag. Um er að ræða opinn bólusetningardag - „opið hús og allir velkomnir,“ segir á vef heilsugæslu höfuðborgarsvæðisins.

Þá var, og er, einnig hægt að skrá sig í bólusetninguna fyrirfram hjá heilsugæslustöðvunum og á netspjalli Heilsuveru. Þau sem skráðu sig þar eru boðuð í bólusetninguna.

Ekki eru fleiri bólusetningardagar á dagskrá í þessari viku. Í næstu viku verður bólusett með Pfizer á þriðjudag 13. júlí og Moderna og AstraZeneca miðvikudaginn 14. júlí, allt seinni skammtar. Eftir það tekur við sumarfrí. 

Bólusetningar hefjast aftur um miðjan ágúst en með breyttu sniði. Fyrirkomulag þeirra liggur ekki fyrir en verður kynnt þegar nær dregur, að því er segir á vef heilsugæslunnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×