A Quiet Place: Part II - Gaman í bíó Heiðar Sumarliðason skrifar 4. júní 2021 14:31 Abbot-fjölskyldan, mínus Lee Abbot, enda er hann dáinn. Rúmu ári eftir að hana átti að frumsýna er A Quiet Place: Part II loks komin í kvikmyndahús. Mikið er nú gaman að sjá hana í bíó. Kvikmyndahúsin eru nú farin að svífa seglum þöndum og mætti líta á AQPII sem einskonar sjósetningu sumartímabilsins, en það er einmitt sá tími sem kvikmyndaverin dæla út sínum dýrustu myndum. Þetta er í fyrsta skiptið sem ég fer í bíó á alvöru Hollywood-mynd í meira en hálft ár. Þá sá ég Wonder Woman 1984, sem mér þótti nú reyndar ekkert spes. Því hef ég hreinlega ekki séð kvikmynd sem er alvöru bíóupplifun fyrir öll skilningarvit síðan Óskarverðalaunamyndin 1917 kom í bíó fyrir einu og hálfu ári. Mér leið því líkt og ferskir vindar væru að blása um mig á meðan ég horfði á AQPII. Ég fékk kvikmyndahúsaupplifunina beint í æð og allir þessir hlutir sem maður missir af þegar horft er á litlum skjá voru enn sterkari en ella. E.t.v. voru þessi viðbrögð mín vegna þess tíma sem hefur liðið frá því að ég sá svo sterka kvikmynd á stóru tjaldi, en það breytir því ekki að þessi framhaldsmynd var einstaklega ánægjuleg upplifun. Persónulega þykir mér þetta framhalds- og endurgerðamyndafargan alveg ótrúlega hvimleitt. Ekki aðeins vegna þess að framhaldsmyndir eru oftast síðri en fyrirrennarinn, heldur er ótrúlega algengt að gerð séu framhöld mynda sem fátt höfðu til brunns að bera til að byrja með. Fyrri myndin í þessu tilfelli var hins vegar raunverulega frambærileg hrollvekja og aldrei þessu vant er framhaldið lítið síðri. Gleyma ekki Aristótelesi Það sem AQPII hefur í liði með sér eru sterkar stoðir grunneindanna sem Aristóteles ritaði um fyrir tæplega 2400 árum, vorkunn og skelfing. Kringumstæðurnar sem persónurnar eru fastar í eru svo hriklegar og ná svo auðveldlega að stilla inn á sammannlegar tilfinningar að sagan er vel nestuð til að halda áhorfendum við efnið. Það er ekki þar með sagt að AQP II sé ekki gagnrýniverð. Það koma reglulega upp atvik í framvindunni sem ekki er heil brú í (eða a.m.k. hálf brú), einnig gengur heldur brösulega að sauma persónu Emmet (Cilian Murphy) inn í söguna, þannig að hún virki ekki aðeins sem persóna sem þurfti að bæta við því fjölskyldufaðirinn dó í enda fyrri myndarinnar. Cilian Muprhy í hlutverki sínu. Það er hreinlega eitthvað ofaukið við Emmet, þó hann sé risastór hluti af framvindunni. Mögulega tengist það því hvernig hann er kynntur til sögunnar í endurlitinu sem myndin hefst á. Maður áttar sig engan veginn á sambandi hans við Abbott-fjölskylduna. Hann virkar eiginlega eins og leiðinlegur nágranni. Þessi kynning gefur persónuboga hans mun minna vægi heldur en ef samband hans við fjölskylduna hefði komið skýrar fram. Þetta veikir öll samskipti hans við dótturina Regan, sem eru þungamiðja sögunnar. En þar sem grunnhugmyndin er byggð á sterkum stoðum Aristóelískra fræða skiptir þetta heildarupplifunina ekki svo miklu máli. Samt sem áður verður þetta til þess að lækka stjörnugjöfina um hálfa stjörnu. Ef eilítið betur hefði verið unnið í persónusköpun og því að gefa framvindunni betri undirstöðu hefði AQPII a.m.k. náð fjórum stjörnunum, jafnvel meira. Niðurstaða: Smáatriðin og veik framvinda verða A Quiet Place: Part II öðru hvoru fjötur um fót. Hún er þó ávallt áhrifamikil sem verður til að þess að óhætt er að mæla með henni. A.m.k. naut undirritaður bíóferðarinnar í botn. Hér er hægt að hlýða á Heiðar Sumarliðason ræða við Tómas Valgeirsson, ritstjóra Kvikmynda.is, um A Quiet Place: Part II, í nýjasta þætti Stjörnubíós. Inniheldur spilla. Stjörnubíó Mest lesið Sophia Bush kemur út úr skápnum Lífið Nefnd í höfuðið á tveimur mikilvægum konum í lífi þeirra Lífið Grínari selur íbúð í Vesturbænum Lífið „Hann var langt á undan sinni samtíð“ Lífið Will Smith hrifinn af akureyrsku hjartaljósunum Lífið Ekki lengur smeykur við að deila kastljósinu með Katrínu Lífið Logi Geirs og Inga Tinna eiga von á barni Lífið Varð móðir sextán ára Lífið Heyrt kjaftasögurnar um eldri mennina sem stýri henni Lífið „Restin í hárið“ reglan gildir í Flonkyball Lífið samstarf Fleiri fréttir Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Hámhorfið: Hvað eru prestar landsins að horfa á? Blendnar tilfinningar á frumsýningu Oppenheimer í Japan Sandler vinnur að Happy Gilmore 2 „Hann er með svona Connery áru yfir sér“ Spennuþáttaröðin Reykjavík Fusion í framleiðslu í sumar Báðar fylkingar House of the Dragon fá sína stiklu Bað hennar við sólsetrið á 100 mánaða afmælinu Nýir Star Wars þættir líta dagsins ljós Sagður vera næsti James Bond Sá Dune tvö hundruð sinnum og er búinn að fara nítján sinnum á Dune 2 í bíó Hámhorfið: Hvað eru listakonur landsins að horfa á? Heimaleikurinn með enn önnur verðlaunin í Glasgow Sjá meira
Kvikmyndahúsin eru nú farin að svífa seglum þöndum og mætti líta á AQPII sem einskonar sjósetningu sumartímabilsins, en það er einmitt sá tími sem kvikmyndaverin dæla út sínum dýrustu myndum. Þetta er í fyrsta skiptið sem ég fer í bíó á alvöru Hollywood-mynd í meira en hálft ár. Þá sá ég Wonder Woman 1984, sem mér þótti nú reyndar ekkert spes. Því hef ég hreinlega ekki séð kvikmynd sem er alvöru bíóupplifun fyrir öll skilningarvit síðan Óskarverðalaunamyndin 1917 kom í bíó fyrir einu og hálfu ári. Mér leið því líkt og ferskir vindar væru að blása um mig á meðan ég horfði á AQPII. Ég fékk kvikmyndahúsaupplifunina beint í æð og allir þessir hlutir sem maður missir af þegar horft er á litlum skjá voru enn sterkari en ella. E.t.v. voru þessi viðbrögð mín vegna þess tíma sem hefur liðið frá því að ég sá svo sterka kvikmynd á stóru tjaldi, en það breytir því ekki að þessi framhaldsmynd var einstaklega ánægjuleg upplifun. Persónulega þykir mér þetta framhalds- og endurgerðamyndafargan alveg ótrúlega hvimleitt. Ekki aðeins vegna þess að framhaldsmyndir eru oftast síðri en fyrirrennarinn, heldur er ótrúlega algengt að gerð séu framhöld mynda sem fátt höfðu til brunns að bera til að byrja með. Fyrri myndin í þessu tilfelli var hins vegar raunverulega frambærileg hrollvekja og aldrei þessu vant er framhaldið lítið síðri. Gleyma ekki Aristótelesi Það sem AQPII hefur í liði með sér eru sterkar stoðir grunneindanna sem Aristóteles ritaði um fyrir tæplega 2400 árum, vorkunn og skelfing. Kringumstæðurnar sem persónurnar eru fastar í eru svo hriklegar og ná svo auðveldlega að stilla inn á sammannlegar tilfinningar að sagan er vel nestuð til að halda áhorfendum við efnið. Það er ekki þar með sagt að AQP II sé ekki gagnrýniverð. Það koma reglulega upp atvik í framvindunni sem ekki er heil brú í (eða a.m.k. hálf brú), einnig gengur heldur brösulega að sauma persónu Emmet (Cilian Murphy) inn í söguna, þannig að hún virki ekki aðeins sem persóna sem þurfti að bæta við því fjölskyldufaðirinn dó í enda fyrri myndarinnar. Cilian Muprhy í hlutverki sínu. Það er hreinlega eitthvað ofaukið við Emmet, þó hann sé risastór hluti af framvindunni. Mögulega tengist það því hvernig hann er kynntur til sögunnar í endurlitinu sem myndin hefst á. Maður áttar sig engan veginn á sambandi hans við Abbott-fjölskylduna. Hann virkar eiginlega eins og leiðinlegur nágranni. Þessi kynning gefur persónuboga hans mun minna vægi heldur en ef samband hans við fjölskylduna hefði komið skýrar fram. Þetta veikir öll samskipti hans við dótturina Regan, sem eru þungamiðja sögunnar. En þar sem grunnhugmyndin er byggð á sterkum stoðum Aristóelískra fræða skiptir þetta heildarupplifunina ekki svo miklu máli. Samt sem áður verður þetta til þess að lækka stjörnugjöfina um hálfa stjörnu. Ef eilítið betur hefði verið unnið í persónusköpun og því að gefa framvindunni betri undirstöðu hefði AQPII a.m.k. náð fjórum stjörnunum, jafnvel meira. Niðurstaða: Smáatriðin og veik framvinda verða A Quiet Place: Part II öðru hvoru fjötur um fót. Hún er þó ávallt áhrifamikil sem verður til að þess að óhætt er að mæla með henni. A.m.k. naut undirritaður bíóferðarinnar í botn. Hér er hægt að hlýða á Heiðar Sumarliðason ræða við Tómas Valgeirsson, ritstjóra Kvikmynda.is, um A Quiet Place: Part II, í nýjasta þætti Stjörnubíós. Inniheldur spilla.
Stjörnubíó Mest lesið Sophia Bush kemur út úr skápnum Lífið Nefnd í höfuðið á tveimur mikilvægum konum í lífi þeirra Lífið Grínari selur íbúð í Vesturbænum Lífið „Hann var langt á undan sinni samtíð“ Lífið Will Smith hrifinn af akureyrsku hjartaljósunum Lífið Ekki lengur smeykur við að deila kastljósinu með Katrínu Lífið Logi Geirs og Inga Tinna eiga von á barni Lífið Varð móðir sextán ára Lífið Heyrt kjaftasögurnar um eldri mennina sem stýri henni Lífið „Restin í hárið“ reglan gildir í Flonkyball Lífið samstarf Fleiri fréttir Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Hámhorfið: Hvað eru prestar landsins að horfa á? Blendnar tilfinningar á frumsýningu Oppenheimer í Japan Sandler vinnur að Happy Gilmore 2 „Hann er með svona Connery áru yfir sér“ Spennuþáttaröðin Reykjavík Fusion í framleiðslu í sumar Báðar fylkingar House of the Dragon fá sína stiklu Bað hennar við sólsetrið á 100 mánaða afmælinu Nýir Star Wars þættir líta dagsins ljós Sagður vera næsti James Bond Sá Dune tvö hundruð sinnum og er búinn að fara nítján sinnum á Dune 2 í bíó Hámhorfið: Hvað eru listakonur landsins að horfa á? Heimaleikurinn með enn önnur verðlaunin í Glasgow Sjá meira