Veður

Hækkandi hita­tölur og allt að sau­tján stig í vikunni

Eiður Þór Árnason skrifar
Veðrið verður mildast suðvestanlands í dag. 
Veðrið verður mildast suðvestanlands í dag.  Vísir/Vilhelm

Útlit er fyrir austlæga eða breytileg átt í dag, skýjað með köflum og skúrir í flestum landshlutum. Þá er spáð þremur til átta metrum á sekúndu, hita þrjú til tólf stig og mildast suðvestanlands.

Fram kemur í hugleiðingum veðurfræðings hjá Veðurstofu Íslands að það hafi verið kalt á landinu undanfarið en þó hafi mátt hafa það bærilegt með því að leita skjóls á sólríkum stöðum.

„Hitatölurnar eru á uppleið í vikunni þegar hlýr loftmassi færist yfir landið og tölurnar verða hærri en við höfum séð síðustu vikur.“

Eftir litla úrkomu undanfarið sé gróður þurr allvíða á landinu og því áfram hætta á gróðureldum. Lítilli eða engri úrkomu er spáð á landinu næstu daga og eru því ekki líkur á að ástandið breytist. Þó er möguleiki á sunnanátt með rigningu sunnan- og vestanhafs í vikulokin.

Á morgun er spáð suðaustan þremur til átta metrum á sekúndu en átta til þrettán á suðvesturhorninu. Víða léttskýjað en skýjað með austur- og suðurströndinni. Hiti verður frá fimm stigum austast á landinu upp í fimmtán stig á Vesturlandi.

Veðurhorfur á landinu næstu daga

Á þriðjudag: Austan og suðaustan 3-8 m/s, en 8-13 á suðvesturhorninu. Víða léttskýjað, en skýjað með austur- og suðurströndinni. Hiti frá 5 stigum austast á landinu, upp í 15 stig á Vesturlandi.

Á miðvikudag og fimmtudag: Suðaustlæg eða breytileg átt 3-8 og léttskýjað, en austan 10-15 og skýjað við suðurströndina. Hiti 7 til 17 stig, hlýjast norðan- og vestanlands.

Á föstudag: Suðaustan 5-13 og væta með köflum á sunnanverðu landinu, en víða þurrt og bjart annars staðar. Hiti breytist lítið.

Á laugardag og sunnudag: Suðlæg átt og vætusamt með hita 7 til 12 stig, en þurrt norðaustantil á landinu með hita að 18 stigum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.