Aðgerðum lokið við Kleifarvatn

Kristín Ólafsdóttir skrifar 24. janúar 2021 12:50

Frá Kleifarvatni í dag. Mikill viðbúnaður var við vatnið. Vísir/vilhelm

Mikill viðbúnaður var við Kleifarvatn eftir að tilkynning barst um slys upp úr klukkan 12. Talið var að manneskja hefði farið í vatnið en síðar kom í ljós að ekki væri hætta á ferðum, samkvæmt upplýsingum frá slökkviliði höfuðborgarsvæðisins.

Uppfært klukkan 14:04:

Manneskjan í vatninu reyndist kafari og engin hætta var á ferðum. Hér fyrir neðan má nálgast viðtal við kafarann Mikael Dubik.

Björgunarsveitir frá Reykjanesbæ, Grindavík og höfuðborgarsvæðinu voru kallaðar á vettvang, ásamt lögreglu og sjúkraflutningamönnum, að því er fram kemur í tilkynningu frá Landsbjörg. Fyrstu viðbragðsaðilar komu á staðinn skömmu eftir hádegi.

Leit hófst strax á vatninu en talið var að ein manneskja hefði farið ofan í vatnið. Tveir sjúkrabílar auk dælubíls voru sendir á vettvang frá slökkviliði höfuðborgarsvæðisins, auk tveggja kafara. Þyrla Landhelgisgæslunnar var einnig kölluð út.

Fréttin hefur verið uppfærð.

Slökkvilið Björgunarsveitir Lögreglumál Grindavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.