Neistaflug og Innipúkar

Búist er við fjölmenni á fjöskylduhátíðinni Neistaflugi í Neskaupsstað um helgina. Þar er sól og hiti og í eftirmiðdag tók fólk að streyma á hátíðina, en boðið verður upp á fjölbreytt skemmtiatriði. Felix Bergsson mun skemmta fólki á hátíðinni. Hann segist hafa komið í fyrsta sinn á Nestaflug árið 2000 og hafi komið þangað á hverju ári síðan. Þar sé mikið fjölskyldustuð. Jóhann Þ. Þórðarson, mótshaldari, segir að nóg verði um að vera. Þarna verði Birta og Bárður, Afi og félagar, Felix og Gunni. Ragnheiður Gröndal mun syngja djass og Mannakorn spila fyrir dansi. Stórhljómsveitirnar Papar og Stuðmenn skemmta gestum yfir helgina. Innipúkar í Reykjavík ætla líka að skemmta sér. Hátíð Innipúkans verður í Iðnó á morgun stundvíslega klukkan fjögur og stendur fram á rauða nótt. Þar koma fram Fræbblarnir, Trabant og Súkkat, Ómar Ragnarsson og fleiri.