Trit­on sótti hjartveik­an skip­verja

Þyrla af danska Varðskipinu Triton er nú á leið til Reykjavíkur með sjúkling af erlendu rannsóknarskipi.

Landhelgisgæslunni barst aðstoðarbeiðni frá skipinu í gær vegna hjartaáfalls skipverja um borð í erlendu rannsóknarskipi sem þá var statt um 500 sjómílur suðvestur af Reykjavík en á leið inn í leitar- og björgunarsvæði Íslands.

Þar sem þetta var fyrir utan drægi þyrlu Landhelgisgæslunnar var óskað eftir aðstoð danska varðskipsins Triton sem þá var statt um 250 sjómílur norður af rannsóknarskipinu.

Áhöfn Trit­on náði til manns­ins um miðnætti í gær og lagði af stað áleiðis til Reykja­vík­ur að því er fram kemur í fréttatil­kynn­ingu Land­helg­isgæsl­unnar. Þegar komið var um tvö hundruð sjó­míl­ur frá Reykja­vík var þyrla varðskips­ins send af stað með mann­inn um borð. 

Áætlað er að lent verði með mann­inn við Land­spít­al­ann nú um kvöld­mat­ar­leytið.