Páll sæmdur heiðursmerki

Páll Pétursson, fyrrum félagsmálaráðherra, var sæmdur æðstu viðurkenningu Rauða kross Íslands, heiðursmerki úr gulli, á 80 ára afmæli félagsins. Það var forseti Íslands sem sæmdi Pál viðurkenningunni. Í rökstuðningi fyrir veitingunni segir að auk þess sem Páll hafi á ráðherraferli sínum ákveðið að bjóða árlega, utan eins árs, hópum flóttamanna til Íslands frá gömlu Júgóslavíu hafi hann einnig beitt sér fyrir stofnun Fjölsmiðjunnar, verkþjálfunarseturs fyrir ungt fólk. Þá hafi hann látið málefni geðfatlaðra til sín taka.