Liverpool óvænt orðað við David Villa

Samkvæmt mörgum bresku blaðanna í dag ætlar knattspyrnustjórinn Rafa Benitez hjá Liverpool að gera heiðarlega tilraun til þess að kaupa framherjann David Villa frá Valencia og slá þar með við stórliðunum Real Madrid og Barcelona sem eru búin að hundelta Spánverjan í allt sumar.

Benitez mun ætla að nota peningana úr fyrirhugaðri sölu Xabi Alonso til Real Madrid til þess að fjármagna kaupin.

Nokkuð langsótt ef til vill, en bresku slúðurblöðin eiga það þó til að ramba á hlutina annað slagið.