Jarðvegseldar slökktir við Ísafjarðardjúp

Jarðvegseldarnir, sem logað hafa á nokkurra hektara svæði í Laugardal í Súðavíkurhreppi síðan á föstudag, voru loks slökktir seint í gærkvöldi, að mati Almannavarnanefndar Vestfjarða.

Þegar hvessa tók í gær, magnaðist eldurinn upp og skapaðist hætta á frekari útbreiðslu.

Slökkviliðið í Súðavík fékk þá liðsauka frá Ísafirði og Bolungarvík, auk þess sem þyrla Gæslunnar var send á vettvang og dreyfði miklu af vatni yfir svæðið.

Slökkviliðsmenn hafa staðið vakt í alla nótt með tvo vatnsbíla til taks, en ekki hafa borist fréttir af því að eldurinn hafi látið á sér kræla.-