Innileg í eftirpartíi

Leikararnir Hugh Jackman og Amanda Seyfried létu vel af hvort öðru í partíi eftir sýningu á nýjustu mynd þeirra, Les Miserables. Hugh kyssti Amöndu beint á munninn í teitinu og brosti út að eyrum.

Ekki er þó um að ræða nýja ást enda hefur Hugh verið kvæntur Deborru-Lee Furness síðan í apríl árið 1996. Vinirnir voru hins vegar að halda upp á 27 ára afmæli Amöndu. Hún fékk meira að segja köku í afmælinu og náði sem betur fer að slökkva á öllum kertunum.

Amanda var stórglæsileg í kjól frá Marios Schwab og hælum frá Rupert Sanderson og spjallaði við aðra leikara í myndinni, Anne Hathaway, Eddie Redmayne og Samönthu Barks.

Myndin verður frumsýnd á jóladag vestan hafs en hennar er beðið með mikilli eftirvæntingu.

Þú gætir unnið - vertu með okkur á Facebook.