Land Cruiserinn sambærilegur við starfskjör í öðrum fyrirtækjum

„Ég harma að þessi hluti starfskjara minna sér gerður tortryggilegur enda vandséð að hann sé umfram það sem eðlilegt getur talist hjá sambærilegum fyrirtækjum," segir Hannes Sigurgeirsson, forstjóri Steypustöðvarinnar, í yfirlýsingu sem hann sendi frá sér vegna frétta af kaupum Steypustöðvarinnar á LandCruiser bifreið í eigu Helgafellsbygginga.

Hannes segist aldrei hafa verið eigandi eða hluthafi í fyrirtækinu Helgafellsbyggingum. Hann hafi haft þessa sömu bifreið til afnota á meðan hann hafi unnið sem framkvæmdastjóri Helgafellsbygginga. Það hafi verið hagkvæmari kostur að kaupa þennan bíl frekar en nýjan.