Liðin skoðuð: Fylkir (1. sæti)

Þegar þriðjungur er búinn af Landsbankadeild karla í knattspyrnu er full ástæða til þess að skoða nánar frammistöðu liðanna til þessa á mótinu. Á Vísi í dag má finna úttekt á hverju liði fyrir sig og kemur nýtt lið inn á hálftíma fresti. Fylkismenn eru í 1. sæti deildarinnar. Fylkismenn virðast vera með sterkasta liðið í Landsbankadeildinni þetta árið ef eitthvað er marka fyrsta þriðjung mótsins. Þeir tróna á toppi deildarinnar, fjórum stigum á undan næsta liði, og hafa verið afskaplega þéttir fyrir varnarlega. Fylkismenn hafa borið höfuð og herðar yfir önnur lið í deildinni það sem af er móts. Þeir hafa fráleitt spilað fallegustu knattspyrnuna en eins og oft hefur komið fram þá eru það stigin sem telja. Þeir hafa verið mjög þéttir fyrir varnarlega og virðist Þorlákur Árnason, þjálfari liðsins sem tók við af Aðalsteini Víglundssyni síðasta haust, hafa fundið réttu fjögurra manna varnarlínu auk þess sem frammistaða Bjarna í markinu hefur verið ótrúleg. Mikilvægur hlekkur í liðinu eru líka framherjarnir Sævar Þór Gíslason, Þorbjörn Atli Sveinsson og Björgólfur Takefusa. Þeir hafa allir sýnt að þeir þurfa lítið til að gera mikið, geta unnið leiki nánast upp úr engu og þótt Björgólfur sé ekki kominn í sitt besta form þá minnti hann rækilega á sig gegn Keflavík þar sem hann vann leikinn upp á eigin spýtur. Fylkismenn glíma hins vegar enn við þann draug að hafa ekki klárað mót til enda. Í dag lítur þetta vel út en þeir hafa haft getuna undanfarin ár til að vinna titilinn. Það sem hefur vantað er hugarfarið og hvort það er komið í Árbæinn á eftir að koma í ljós. Tölfræðin samanburður (Fylkir-Mótherjar):Skot 63-87 (-24) Skot á mark 34-38 (-4) Mörk 9-3 (+6) Horn 20-33 (-13) Aukaspyrnur fengnar 102-107 (-5) Gul spjöld 10-11 (-1) Rauð spjöld 0-0 (-) Rangstöður 24-12 (+12) Markaskorarar liðsins: Sævar Þór Gíslason 3 Björgólfur Takefusa 2 Þorbjörn Atli Sveinsson 2 Jón Björgvin Hermannsson 1 Ólafur Stígsson 1 Stoðsendingar liðsins: Finnur Kolbeinsson 2 Eyjólfur Héðinsson 1 Guðni Rúnar Helgason 1 Ólafur Stígsson 1 Sævar Þór Gíslason 1 Þorbjörn Atli Sveinsson 1 Markvörður liðsins: Bjarni Þórður Halldórsson Varin skot 31 Mörk á sig 3 Hlutfallsmarkvarsla 91% Leikir haldið hreinu 3 Besta frammistaða leikmanna liðsins í einkunnagjöf DV: Bjarni Þórður Halldórsson 4,33 Jón Björgvin Hermannsson 4,00 Þórhallur Dan Jóhannsson 3,80 Guðni Rúnar Helgason 3,33 Finnur Kolbeinsson 3,17 Valur Fannar Gíslason 3,17 Björólfur Takefusa 3,00 Kristján Valdimarsson 3,00 Sævar Þór Gíslason 3,00 Þorbjörn Atli Sveinsson 3,00 Gunnar Þór Pétursson 2,83 Ólafur Páll Snorrason 2,60 Ólafur Stígsson 2,60 Eyjólfur Héðinsson 2,33 Helgi Valur Daníelsson 2,17 Kjartan Ágúst Breiðdal 2,00 Ragnar Sigurðsson 2,00 Sjá einnig Víking Sjá einnig Fram Sjá einnig KA Sjá einnig Grindavík Sjá einnig KR Sjá einnig FH Sjá einnig ÍA Sjá einnig ÍBV Sjá einnig Keflavík