Ákveðið hefur verið að Ólympíuleikarnir í Tókýó hefjist 23. júlí á næsta ári. Þeim lýkur 8. ágúst.
Alþjóða ólympíunefndin og framkvæmdanefnd Ólympíuleikanna sendi frá sér yfirlýsingu þess efnis í dag.
IOC, IPC, Tokyo 2020 Organising Committee and Tokyo Metropolitan Government announce new dates for the Olympic and Paralympic Games Tokyo 2020 https://t.co/QITtT5dcl8 pic.twitter.com/DHi4u74ZXa
— Olympics (@Olympics) March 30, 2020
Ólympíuleikarnir í Tókýó áttu að fara fram dagana 24. júlí til 9. ágúst 2020. Þeim var hins vegar frestað vegna kórónuveirufaraldursins.
Þetta er í fyrsta sinn sem Ólympíuleikum er frestað. Þeim var þrisvar sinnum aflýst á meðan fyrri og seinni heimsstyrjaldirnar stóðu yfir.
Einnig hefur verið ákveðið hvenær Ólympíumót fatlaðra fer fram. Það á að hefjast 24. ágúst og ljúka 5. september.
Anton Sveinn McKee er eini Íslendingurinn sem hefur tryggt sér þátttökurétt á Ólympíuleikunum í Tókýó. Hann heldur keppnisrétti sínum þótt Ólympíuleikarnir hafi verið færðir fram um eitt ár.
Þetta verður í annað sinn sem Ólympíuleikarnir fara fram í Tókýó. Borgin hélt einnig Ólympíuleikana 1964.