Ingó deilir persónulegu myndbandi á Facebook

Ása Ninna Pétursdóttir skrifar 17. október 2020 12:56

Færsla sem Ingó birti á Facebook síðu sinni í gærkvöldi hefur hlotið mikla athygli. Vilhelm/Vísir

Ingó Veðurguð deildi myndbandi á Facebook síðu sinni í gærkvöldi þar sem hann sýnir frá stundinni þegar lagið Í kvöld er gigg varð til.

Í myndbandinu má sjá Ingó heima hjá sér að spila á gítarinn og það er eins og hann spinni textann jafnóðum við laglínuna. Viðlagið er eins og í lokaútgáfunni af Í kvöld er gigg en erindin eru jafnvel aðeins persónulegri.

„Hæ öll sömul

Hér er upptaka frá því þegar ég byrjaði að semja lagið Í kvöld er gigg.

Ég geri þetta ekki oft en geri smá undantekningu núna því í dag er alþjóðlegi“ endurlífgunardagurinn.“

Færslan hefur hlotið mikla athygli og hrósa honum margir í athugasemdum.

Tónlist

Tengdar fréttir

„Gigg sem ég væri til í á hverju kvöldi“

Annað kvöld fer í loftið nýr þáttur á Stöð 2 í umsjón tónlistarmannsins Ingólfs Þórarinssonar sem er betur þekktur sem Ingó Veðurguð. Þátturinn ber nafnið Í kvöld er gigg, þar sem Ingó býður landsmönnum í partý með sínu uppáhalds tónlistarfólki.

17. september 2020 20:26

Segir oft einmanalegt að gigga: „Karlgreyið, hvernig nennir hann að mæta?“

Í kvöld er gigg, lag Ingó veðurguðs, þykir mjög einlægt og persónulegt en í því má greina einhverja angist poppstjörnunnar sem komist hefur á toppinn en áttar sig á að þar getur bæði verið kalt og einmanalegt.

31. ágúst 2020 21:38

Dauðadrukkinn á virkum dögum þjakaður af einmanaleika

Ingó segir að hann hafi upplifað að hann væri misskilin af kollegum sínum í listageiranum. Hann ræðir einnig um drykkjuna og hvernig hann lék sér að því að vera aleinn blindfullur innan um fólk sem hafði gagnrýnt hann.

20. ágúst 2020 14:30

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.