Lífið

Eyfi og Telma úr leik í Allir geta dansað

Sóley Guðmundsdóttir skrifar
Eyfi og Telma luku keppni í kvöld
Eyfi og Telma luku keppni í kvöld vísir/M. Flóvent

Eyjólfur Kristjánsson og Telma Rut Sigurðardóttir voru send heim eftir danseinvígi í Allir geta dansað nú í kvöld. Eyfi og Telma og Manuela og Jón Eyþór voru í tveimur neðstu sætunum eftir að símakosningu lauk.

Það var nýjung í kvöld að tvö neðstu pörin dönsuðu aftur og dómararnir ákváðu hvaða par skyldi halda keppni áfram. Dómararnir voru á einu máli um það að Manuela og Jón skyldu halda áfram. Eyfi og Telma voru því send heim. Þau fengu lægstu einkunn kvöldsins frá dómurum og komu úrslitin því ekkert rosalega á óvart.

Manuela og Jón og Eyfi og Telma voru neðst Vísir/M. Flóvent

Einkunnirnar sem dómarar gáfu Eyfa og Telmu endurspegluðust í umsögnum þeirra um dansinn. Þar var mýktin helst sem vantaði. Karen hafði þetta að segja um frammistöðuna: „Þið hefðuð þurft að búa til meiri mýkt og við verðum alltaf að fylgja partnernum okkar. Annars vel gert."

Selma var ánægð með búningana og sagði: „Alltaf ævintýralegt að fylgjast með ykkur, alltaf metnaður í búninga og svona. Vantaði mýkt í mjaðmirnar og svona grunnspor rúmbunar. Margt fínt en grunninn þarf að bæta." Jóhanni fannst gaman að horfa á þau dansa og sagði: „Alltaf gaman að horfa á ykkur dansa. Hefði viljað sjá aðeins meiri „rúmbu". En alltaf gaman að horfa á ykkur."

Hér í spilaranum má sjá framlag Eyfa og Telmu.

Í kvöld rann allur ágóði símakosningarinnar til Slysavarnafélagsins Landsbjargar. Landsbjörg vinnur óeigingjarnt starf allan ársins hring. Mikið álag hefur verið á þeim undanfarnar vikur og eiga þau hrós skilið fyrir starf sitt.

Næsti þáttur fer fram þann 24. janúar og verður það næst síðasti þátturinn.

Vísir var í Glimmerhöllinni í Gufunesi og fylgdist með gangi mála.

 


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
Velkomin á Vísi. Þessi vefur notar vafrakökur. Sjá nánar.