Lögreglan stöðvaði mannrán á Ártúnshöfða

Karl og kona eru í haldi lögreglunnar á höfuðborgarsvæðinu eftir að þau voru stöðvuð á bíl á Ártúnshöfða á ellefta tímanum í gærkvöldi og leikur grunur á að farþegi sem var með þeim í bílnum, hafi verið þar nauðugur, enda skelkaður en ómeiddur.

Ökumaður hafði tilburði til að stinga lögregluna af, en slæm færð og slæmt ástand á honum sjálfum komu í veg fyrir að það tækist.

Hann er hinsvegar grunaður um akstur undir áhrifum fíkniefna, er réttindalaus og bíllinn var á stolnum númerum af öðrum bíl.

Í fórum fólksins fundust eggvopn, fíkniefni og þýfi.