Viðar og Haukur báðir á skotskónum í sænska bikarnum

Viðar Örn Kjartansson skoraði fyrsta mark sitt í treyju Malmö í 4-1 sigri á Angelholms í sænska bikarnum í dag en mark Viðars kom af vítapunktinum.

Viðar sem gekk til liðs við Malmö frá Jiangsu Sainty á dögunum var ásamt Kára Árnasyni í byrjunarliði Malmö en Angelholms leiddi óvænt í hálfleik 1-0.

Leikmenn Malmö voru ekki lengi að svara í seinni hálfleik en eftir tíu mínútur í seinna hálfleik var Malmö komið 2-1 yfir með mörkum frá Viðari og Jo Berget en leikmenn Malmö bættu við tveimur mörkum áður en leikurinn var flautaður af.

Haukur Heiðar Hauksson skoraði sömuleiðis fyrsta mark sitt í treyju AIK í dag í 6-0 sigri á Tenhults á útivelli.

AIK leiddi 2-0 í hálfleik og gerði Haukur Heiðar endanlega út um leikinn með þriðja marki AIK á 67. mínútu leiksins.

Þá var íslenskt miðvarðapar í leik Frej og Göteborg en Hjörtur Hermannsson og Hjálmar Jónsson byrjuðu í miðri vörn Göteborg í dag.

Göteborg þurfti þó að sætta sig við svekkjandi 1-1 tap en þetta er annað jafnteflið í röð hjá Göteborg í sænska bikarnum.