Frusu í hel

Leit stendur enn yfir í hlíðum Andesfjalla af nítján hermönnum sem talið er að hafi orðið úti í mikilli stórhríð í fjöllunum í síðustu viku. Þegar hafa 26 lík félaga þeirra fundist og því eru litlar líkur sagðar á að þeir muni finnast á lífi. Þetta er versta slys í sögu chileska hersins á friðartímum enda hefur þjóðarsorg verið lýst yfir í landinu. Heræfingin þar sem illa búnir nýliðar voru sendir upp í fjöllin þrátt fyrir vonda veðurspá hefur sætt mikilli gagnrýni. Engu að síður lýsti ríkisstjórn landsins yfir trausti sínu á yfirmenn heraflans í gær.