Gerir grein fyrir samningunum

Guðmundur Bjarnason, forstöðumaður Íbúðalánasjóðs, er þessa stundina að gera félagsmálanefnd Alþingis grein fyrir umdeildum samningum Íbúðalánasjóðs við banka og sparisjóði, sem hafa farið leynt. Fjórir starfsmenn sjóðsins eru með Guðmundi. Siv Friðleifsdóttir, formaður nefndarinnar, sagði fyrir stundu að búast mætti við að fundurinn stæði fram yfir hádegi þar sem fjölmargir hafa verið kallaðir fyrir nefndina til álits og ráðlegginga. Til fundarins var boðað að kröfu Jóhönnu Sigurðardóttur alþingsimanns í kjölfar frétta fréttastofu Stöðvar 2 og Bylgjunnar af samningunum sem alþingismenn vissu ekki að væru til. Á fundinum skýrist væntanlega hvort sjóðurinn hafi farið út fyrir hlutverk sitt með samningunum og jafnframt rætt um framtíðarhlutverk hans.