Gísli Baldur Garðarsson hæstaréttarlögmaður var kjörinn formaður landskjörstjórnar á fundi hennar í dag. Bryndís Hlöðversdóttir verður varaformaður stjórnarinnar eftir því sem segir í tilkynningu frá stjórninni.
Ný landskjörstjórn vegna þingkosninga var kosin á Alþingi í sumar en auk Gísla Baldurs og Bryndísar sitja þau Hervör Lilja Þorvaldsdóttir, Ástráður Haraldsson og Þórður Bogason í henni. Á fundinum í dag var einnig ákveðið að ráða Einar Farestveit lögfræðing sem ritara landskjörstjórnar.
