Veikustu byggðirnar eiga litla von

Kjartan Ólafsson, byggðasérfræðingur við Háskólann á Akureyri, segir að veikustu byggðir landsins eigi sér litla von um viðsnúning. Þekkingarsamfélagið kalli á samþjöppun íbúa.

Rannsókna- og þróunarmiðstöð Háskólans á Akureyri hefur unnið skýrslu vegna sameiningarkosninga þriggja þingeyskra sveitarfélaga um næstu helgi og sýnir skýrslan að ungum börnum þar hefur fækkað um tæpan helming á einum áratug.

„Það sem knýr þessa þróun áfram er breyting samfélagsins úr framframleiðslusamfélagi yfir í þjónustu- og þekkingarsamfélag. Það er breyting sem kallar á samþjöppun í mannfjöldanum. Þess vegna gerðist þetta og muna halda áfram að gerast," segir Kjartan.

Fram hefur komið á Stöð 2 að íbúar í Þingeyjarsýslu binda miklar vonir við álver á Bakka. Kjartan segir að ef álver rísi þar muni fólk koma sér fyrir á Húsavík og á leiðinni milli Akureyrar og Húsavíkur. Þannig geti fólk sótt vinnu í álverið en þjónustuna til Akureyrar.