Tekur varnarmálakreppu Íslands ekki alvarlega

Fjármálaráðherra gefur minna en ekki neitt fyrir skýrslu rannsóknarstofnunar sænska hersins þar sem fram kemur að varnarmál á Íslandi séu í ólestri. Allir sofi rólegir á Íslandi.

Á forsíðu fréttablaðsins í dag er greint frá þrjátíu blaðsíðna skýrslu rannsóknarstofnunar sænska hersins þar sem talið er að á Íslandi ríki þreföld kreppa. Varnarmálakreppa auk efnahags- og stjórnmálakreppu. Sænsku sérfræðingarnir segja varnarmálakreppuna hafa skollið þegar Bandaríkjaher yfirgaf landið árið 2006. Harkan í íslensku átakastjórnmálum hefur hins vegar tafið stefnumótum til framtíðar í varnarmálum að mati skýrsluhöfunda.

Fjármálaráðherra segir varnir landsins hinsvegar snúa að því að byggja upp efnahaginn. Sænska skýrslan verði því ekki tekin til frekari skoðunar.