Tugir kinda drápust í veltu á Snæfellsnesi

Flutningabíll með um 230 kindum valt við afleggjarann að Arnarstöðum við Stykkishólm skömmu fyrir klukkan þrjú í dag. Gísli Guðmundsson varðstjói lögreglunnar á Snæfellsnesi sagði að verið væri að reka féð í hús og greina skaðann. Einhverjir tugir kinda og lamba drápust í slysinu, en nákvæm tala fæst ekki fyrr en seinna í dag. .

Lögrelgan í Snæfellsbæ er á vettvangi í Helgafellssveit og vinnur að því að ná kindunum úr bílnum. Bílstjórann sakaði ekki. Vegkantur mun hafa gefið sig og orðið til þess að vörubíllinn valt. Veður er slæmt á slysstað, rok og rigning. Lögreglan gat ekki gefið frekari upplýsingar á þessari stundu.