Þjóðvegur rofnaði næstum því í Hvalfirði

Minnstu munaði að þjóðvegurinn í Hvalfirði rofnaði í morgun vegna vatnavaxta, og tjón hefur orðið í vatnsveðrinu suðaustan lands að undanförnu.

Um tíma flæddi yfir hann og vatn gróf úr köntum þannig að Vegagerðin varaði vegfarendur sérstaklega við aðstæðum þar. Viðgerðarmenn frá Vegagerðinni komu á vettvang fyrir hádegi og á vegurinn ekki að lokast úr þessu.

Mikið vatnsveður er nú líka á Suðausturlandi og eru Vegagerðarmenn við öllu búnir eftir síðustu stórrigningu fyrr í vikunni. Þá eyðilagðist brúin á veginum upp á Skálafellsjökul í í Staðarsveit. Hún var 17 metra löng er er nú öll undin og sigin. Ljóst er að þar er um milljónatjón að ræða.

Þá rofnaði vegurinn að sumarbústaðahverfinu í Stafafellsfjöllum en þar eru 30 til 40 bústaðir nú einangraðir. Enginn var í þeim þegar vegurinn rofnaði og verið er að gera við hann til bráðabirgða.

Ef ekki dregur úr rigningu er hætt við grjóthruni á þjóðveginn um Hvalnesskriður og aurskriðum á veginn um Þvottárskriður. Það hefur sloppið enn sem komið er að sögn Vegagerðarmanna eystra.