Ríkisendurskoðun nýtur trausts 66% þjóðarinnar

Ríkisendurskoðun hefur nú í fyrsta sinn látið kanna viðhorf almennings til nokkurra þátta sem varða starfsemi stofnunarinnar. Fram kemur m.a. að hún nýtur trausts um 66% þjóðarinnar.



Könnun Capacent Gallup var gerð í fyrri hluta mars 2008 og voru svarendur 801. Könnunin leiddi m.a. í ljós að um 66% aðspurðra bera traust til stofnunarinnar.

Á vefsíðu Ríkisendurskoðunnar segir að þetta séu jákvæðar niðurstöður þegar hafðar eru í huga niðurstöður úr þjóðarpúlsi Gallup frá sama mánuði.

Þar kom m.a. fram að 90% treysta Háskóla Íslands, 80% lögreglunni, 68% heilbrigðiskerfinu, 62% umboðsmanni Alþingis, 61% Ríkissáttasemjara, 52% Þjóðkirkjunni, 42% Alþingi og 39% dómskerfinu.