Göran Persson heldur fyrirlestur á Íslandi

Göran Persson fyrrum forsætisráðherra Svíþjóðar, mun halda opinberan fyrirlestur í Hátíðasal Háskóla Íslands, miðvikudaginn 10. desember kl. 12.00. Fyrirlesturinn nefnir hann, „Lærdómur Svía af fjármálakreppu tíunda áratugarins

Í tilkynningu um fyrirlesturinn segir að Svíar gengu í gegnum miklar efnahagsþrengingar á árunum uppúr 1990. Þær þrengingar sneru m.a. að bönkunum og sænsku fjármálakerfi sem gekk í gegnum verulega uppstokkun í kjölfar erfiðleikanna.

Göran Persson gegndi á þessum tíma starfi fjármálaráðherra í ríkisstjórn Svíþjóðar og kom í hans hlut að ráða fram úr þeim erfiðleikum sem að þjóðinni steðjuðu. Göran Persson kemur til Íslands í boði Samtaka fjárfesta til að miðla Íslendingum af reynslu Svía við að koma sér út úr kreppunni sem yfir þá gekk.

Öllum er heimill aðgangur meðan húsrúm leyfir.