Eitt alstærsta verkefnið

„Þetta er ein sú allra stærsta sem við höfum farið í,“ segir Ólafur Þór Hauksson, sérstakur saksóknari, um aðgerðina í gær.

Um sjötíu manns tóku þátt í aðgerðunum. Sérstakur saksóknari naut liðsinnis lögreglunnar á höfuðborgarsvæðinu, Akureyri og Hvolsvelli, sérsveitar og efnahagsbrotadeildar Ríkislögreglustjóra og starfsmanna Fjármála­eftirlitsins.

Ráðist var í tíu húsleitir í gærmorgun en eftir því sem leið á daginn fjölgaði þeim. Þær voru orðnar tæplega 20 undir lok dags. „Það er eðlilegt ferli að þegar það kemur í ljós að gögnin er að finna annars staðar þurfi að fara og leita þar,“ segir Ólafur.