Innlent

Varasamar vindhviður í dag

Stefán Ó. Jónsson skrifar
Vísir/Vilhelm
Veðurstofan varar ferðafólk við snörpum vindhviðum við fjöll á sunnanverðu Snæfellsnesi og undir Eyjafjöllum framan af morgni.

Búast má við slíkum vindhviðum sunnan Vatnajökuls fram á kvöld.

Kröpp lægð mun fara austur með suðurströndinni í nótt og mun því hvessa af norðri um land allt í nótt og framan af morgundeginum. Vindhraðinn gæti víða náð 18 metrum á sekúndu. 

Varasamar vindhviður, allt að 30 til40 metrar á sekúndu, verða við þessar aðstæður á þjóðveginum suðaustanlands frá Fagurhólsmýri í Öræfum austur á Berufjarðarströnd frá því snemma í fyrramálið og fram yfir miðjan dag.

Suðaustanlands fylgir gjarnan sandfok veðri eins og þessu, jafnvel þó svo að rigni eitthvað á undan í kvöld.    

Mest lesið


Fleiri fréttir

Sjá meira


×

Mest lesið